Farg‘ona viloyatida “Biznes yaratish yo‘lidagi yetti qadam” mavzusidagi navbatdagi o‘quv seminar tashkil etildi

2020 yilning 28 fevral kuni Farg‘ona viloyatining Yozyovon tumanida “Biznes yaratish yo‘lidagi yetti qadam” mavzusidagi navbatdagi o‘quv seminar bo‘lib o‘tdi. Ushbu o‘quv seminarda Tadbirkorlik faoliyati asoslarini o‘qitish Respublika markazi Farg‘ona filiali raxbari I.Ataismatov, Yozyovon tumani xokimining iqtisodiyot va Tadbirkorlik masalalari bo‘yicha birinchi o‘rinbosari Sh.Tojixakimov va boshqa mutasaddi raxbarlar ishtirok etishdi.

Tadbirkorlik faoliyati asoslarini o‘qitish Respublika markazi Farg‘ona filiali raxbari I.Ataismatov "Biznes yaratish yo‘lidagi yetti qadam" mavzusida o‘z ma'ruzasi bilan ishtirokchilarga biznes asoslari to‘hrisida batafsil ma'lumot berdi. Qolaversa Yoz'yovon tumani xokimining iqtisodiyot va Tadbirkorlik masalalari bo‘yicha birinchi o‘rinbosari Sh. Tojixakimov, davlat xizmatlari markazi mutaxassisi O.Sulaymonov, Xalq banki boshqaruvchi o‘rinbosari O. Raxmonov ham "Xududlarda Tadbirkorlik faoliyatini yuritishdagi shart sharoitlar,va qo‘llab quvvatlash tadbirlari", "Biznesni ro‘yxatdan o‘tkazish va ruxsat beruvchi xujjatlarni olish" va "Biznes rejani ishlab chikishda asosiy tamoyillar. Garov" mavzularda o‘z nutqlari bilan ishtirok etishdi.

Ushbu o‘quv seminarda 75 nafar yoshlar hamda tadbirkorlik qilish istagini bildirgan axoli vakillari qatnashdilar. Tadbir davomida qatnashchilar o‘zlarini qiziqtirgan savollarga javob oldilar.

SSP Axborot xizmati