Savdo-sanoat palatasi tadbirkorlarni xayr-sahovat ishlarga chorlaydi

Hurmatli Tadbirkorlar,

Yurtimizda koronavirus bo‘yicha karantin choralari e'lon qilingan birinchi kundan boshlab hukumatga koronavirus pandemiyasining salbiy ta'sirini kamaytirishga yordam berish maqsadida tadbirkorlar, O‘zbekiston fuqarolari ham joylarda xayriya tadbirlarini amalga oshirishmoqda. 

  Bular quyidagilarda  o‘z aksini topmoqda:

- keksa va qariya odamlarga yordam berish;

- himoya niqoblarini bepul tarqatish;

- oziq-ovqat mahsulotlarini arzonlashtirilgan narxlarda sotish;

- yo‘lovchilarni viloyatlararo yo‘nalishlar bo‘ylab bepul 
tashish;

- yo‘lovchi tashish xizmatlarini amalga oshiruvchi  tadbirkorlarning  taksi xizmati uchun olinadigan daromaddan voz kechishlari;

- aholiga oziq-ovqat va boshqa muhim mahsulotlarini bepul yetkazib berish.

Shu bilan birga,  O‘zbekiston Savdo-sanoat palatasiga qator tadbirkorlar tomonidan hukumatga vazifalarni bajarishda qo‘shimcha moliyaviy ko‘mak berish  va aholining ijtimoiy muhtoj qatlamlariga yordam ko‘rsatish uchun maxsus fondlarga pul mablag‘larini o‘tkazish bo‘yicha murojaatlar kelib tushmoqda.

Shu munosabat bilan, Savdo-sanoat palatasi yana bir bor o‘zining rasmiy ijtimoiy tarmoqlarida Sog‘liqni saqlash vazirligi qoshidagi «Mexr-shafqat va salomatlik» jamoat fondi hisob raqamlariga  pul mablag‘larini o‘tkazish imkoniyati mavjud ekanligini ma'lum qiladi.

Har birimiz quyidagi hisob raqamlariga  pul mablag‘larini o‘tkazish yo‘li bilan ushbu xayrli ishga o‘z hissamizni qo‘shishimiz mumkin:

Yuridik shaxslar uchun: 

Bank nomi: «Ipoteka-bank», «Mexnat»filiali;

MFO: 00 423, INN: 200 897 248, OKONX: 98 600.

- 20 212 000 4001 0173 4001 (so‘mda);

- 20 212 840 9001 0173 4001 (AQSh dollarida);

- 20 212 978 0001 0173 4001 (evroda).

Jismoniy shaxslar uchun:

IpotekaBank:

8600 3329 9742 5800

Ipoteka Bank (Visa): 

4084 1600 0031 6334

Humo Card:

9860 0101 0240 5858

Birgina birinchi kun davomida «Mexr-shafqat va salomatlik» jamoat fondi hisob raqamlariga 5 milliard so‘mdan ortiq pul mablag‘lari kelib tushdi.

Shuningdek, biz O‘zbekiston Savdo-sanoat palatasi xodimlariga oylik ish haqlarining bir qismini «Mexr-shafqat va salomatlik» jamoat fondi hisob raqamlariga o‘tkazganliklari uchun minnatdorchilik bildiramiz.  Bugungi kunda ushbu pul mablag‘lari 56 million so‘mni tashkil etdi. 

Ushbu xayriya aksiyasida birinchi bo‘lib qatnashgan tadbirkorlarga  alohida minnatdorchilik bildiramiz, bular quyidagi kompaniyalar rahbarlari hisoblanadi:   

- «Seafood import and trade» MChJ rahbari K.Betxush;

- «Artifex de color» MChJ  rahbari Z.Yuldashev;

- «Ideal inter Biznes» MChJ rahbari Sh.Usmanov;

- «Ibragimov» XK rahbari X.Ibragimov.

SSP Axborot xizmati