Keksalar sayohatlarini qo‘llab-quvvatlash borasidagi qonunchilikdagi yangiliklar

Mamlakatimizda nogironlar va yolg‘iz keksalarga bo‘lgan xurmat va extirom yuzasidan ularga moddiy yordam ko‘rsatish, nafaqa, tibbiy xizmatlar ko‘rsatish hamda bepul sayohat yo‘llanmalarni tashkil etish maqsadida O‘zbekiston Respublikasi Vazirlar Mahkamasining “Keksalarni davlat tomonidan qo‘llab-quvvatlash tizimini yanada takomillashtirishning qo‘shimcha chora-tadbirlari to‘g‘risida”gi  2020 yil 28 maydagi VMQ-340-sonli  Qarori qabul qilindi.

Ushbu Qarorga ko‘ra, keksalarni davlat tomonidan qo‘llab-quvvatlash tizimini yanada takomillashtirish bo‘yicha chora-tadbirlar belgilangan.

Har yili 1 noyabrdan 30 noyabrgacha “Keksalar uchun turizm oyligi” o‘tkaziladigan bo‘lib, unda dunyo bo‘ylab keksalarni sayohat qilishini rag‘batlantirish ko‘zda tutilgan.

Ushbu oylik doirasida vazirlik va idoralar tomonidan quyidagi ishlar amalga oshiriladi:

• xududlardagi turizm infratuzilma ob'ektlari (joylashtirish vositalari, umumiy ovqatlanish shahobchalari) tomonidan ixtiyoriy taqdim qilinadigan chegirmalar va aksiyalar to‘g‘risida o‘z rasmiy veb-sahifasida e'lon qilib borish;
• sayohat qiluvchilar uchun  viloyatlararo qatnovi avtobus, avia va temir yo‘l chiptalariga ixtiyoriy chegirmalarni e'lon qilish hamda lisenziyasi bor tadbirkorlik sub'ektlarining tashish xizmatilariga ixtiyoriy chegirmalar to‘g‘risidagi ma'lumotlarni yig‘ish va e'lon qilish choralarini ko‘rish;
• respublikadagi madaniy meros ob'ektlariga kirish chiptalariga chegirmalar e'lon qilish;
• birinchi guruh nogironligi bo‘lgan sayohat qiluvchi keksalar ro‘yhatini har yili 1 oktyabrga qadar shakllantirilib borish.

“Sayohat barcha uchun!” - shiori ostida hayriya sayohati loyihasi tashkil etilmoqda.

Ushbu xayriya sayohati doirasida:

• sayohat davomida sayohatchilarni joylashtirish, ovqatlashtirish va transport xizmatlari uchun mablag‘larning 50 foizi  “Sayohat barcha uchun!” xayriya maxsus hisobvarag‘idan, 50 foizi “Nuroniy jamg‘armasi” mablag‘lari hisobidan qoplanishi;
• birinchi guruh nogironligi bo‘lgan keksalarga xizmat ko‘rsatish uchun mos transportga va sayohat rejasiga ega turizm sohasi sub'ektlari bilan tanlov asosida shartnoma tuzish nazarda tutilgan.

SSP Yuridik byuro tomonidan tayyorlandi.

SSP Matbuot xizmati