Farmatsevtika faoliyati bilan shug‘ullanuvchi tadbirkorlik sub’ektlari DIQQATIGA!

O‘zbekiston Savdo-sanoat palatasi tomonidan respublikamizda farmatsevtika sohasini yanada rivojlantirish, tarmoqdagi mavjud muammo va to‘siqlarni bartaraf etish maqsadida amaldagi qonunchilik hujjatlariga tegishli taklif va tavsiyalar ishlab chiqish rejalashtirilgan.

Shu munosabat bilan respublikamizda faoliyat olib borayotgan farmatsevtika korxonalari quyidagi masalalarni ko‘rib chiqib, o‘z taklif va fikr-mulohazalarini Palataga bildirishlarini so‘raymiz:

- “Farmatsevtika faoliyati to‘g‘risida”gi O‘zbekiston Respublikasi Qonunining ijrosi ahvoli va undagi mavjud muammolar;

- respublikamizda dori vositalarini ishlab chiqarishda mahalliy ishlab chiqaruvchilar faoliyatini qo‘llab-quvvatlashga qaratilgan taklif va tavsiyalar;

- dori vositalarini ishlab chiqarishda mahsulot sifatini yaxshilash va dori vositalari sifatini nazorat qilish mexanizmini takomillashtirishga qaratilgan taklif va tavsiyalar;

- chet eldan import qilinayotgan dori vositalariga narxlarni keskin oshishini oldini olish hamda mahalliy dori vositalarining raqobatqodirligini ta’minlashga qaratilgan taklif va tavsiyalar;

- dori vositalarining ulgurji va chakana savdosini tashkil etishdagi mavjud muammolar va ularni bartaraf etish bo‘yicha taklif va tavsiyalar.

Ushbu masala bo‘yicha tadbirkorlik sub’ektlari o‘z takliflarini ilovaga muvofiq jadval asosida Palataning Zamonaviy mini-texnologiyalar va xorijiy investitsiyalarni jalb etish bo‘limi g.usmanov@chamber.uz elektron manziliga 2016 yil 15 iyulga qadar taqdim etishlari mumkin.

Qo‘shimcha ma’lumotlar olish uchun O‘zbekiston Savdo-sanoat palatasining +99871 150-91-69 telefon raqamiga murojaat qilishingizni so‘raymiz.