Savdo-sanoat palatasi tomonidan Qoraqalpog‘iston Respublikasi Ellikqal'a tumanida amalga oshiriladigan ishlar to‘g‘risida

Qoraqalpog‘iston Respublikasi Ellikqal'a tumanida O‘zbekiston  Respublikasi Savdo-sanoat palatasi raisining maxsus shtabi tashkil etildi. 

Ellikqal'a tumanini ijtimoiy-iqtisodiy rivojlantirish hamda investision salohiyatini oshirish masalalariga Savdo-sanoat palatasi mas'ul etib biriktirildi.

Shunga ko‘ra, Ellikqal'ada muammolarni o‘rganib chiqish va tezkor hal etish maqsadida Savdo-sanoat palatasi raisi A.Ikramovning maxsus shtabi tashkil etildi.

Ellikqal'a tumanida ijtimoiy infratuzilma rivojlantiriladi, mahallalar, ko‘chalar obodonlashtiriladi, kommunal ta'minot va aloqa tizimlari sifati yaxshilanadi, mavjud ijtimoiy obyektlar rekonstruksiya qilinib, yangilari barpo etiladi.

Shuningdek, Maxsus shtab tomonidan quyidagi masalalarni hal etish yuzasidan chora-tadbirlar amalga oshirilishi belgilangan:

• Hududlarni kompleks rivojlantirish, qurilish va kommunikasiyalar masalalari;
• Makroiqtisodiy tahlil, tarkibiy o‘zgartirishlar, moliya-bank tizimi, tadbirkorlikni qo‘llab-quvvatlash va kambag‘allikni qisqartirish masalalari;
• Investisiyalar va tashqi iqtisodiy aloqalar masalalari;
• Agrar va oziq-ovqat sohalarini rivojlantirish masalalari;
• Ijtimoiy sohani rivojlantirish masalalari;
• Mahallaning o‘rni va rolini kuchaytirish, ayollarning jamiyatdagi rolini kuchaytirish va yoshlar uchun shart-sharoitlar yaratish masalalari;
• Turizm, jismoniy tarbiya va sport masalalari;
• Aholi bandligini ta'minlash va kambag‘allikni qisqartirish borasida ham chora-tadbirlar amalga oshiriladi.

Bu boradagi ishlarni tashkiliy jihatdan samarali amalga oshirish maqsadida Savdo-sanoat palatasi davlat tashkilotlari, jumladan, vazirliklar, qo‘mitalar va agentliklar, uyushmalar, banklar hamda moliya tashkilotlari bilan o‘zaro hamkorlikni amalga oshirib kelmoqda.  

SSP Axborot-xizmati