TOBB ETU TASHKENT filiali talabalarining Rektor bilan uchrashuvi

Bugun, 10 oktyabr kuni TOBB ETU TASHKENT filiali Rektori, O‘zbekiston Respublikasi Savdo-sanoat palatasi Raisi, Fanlar Doktori, Professor Adham Ilhamovich Ikramovning filial talabalari bilan uchrashuvi bo‘lib o‘tdi.

Uchrashuvda shuningdek, Ijrochi direktor, PhD, Dilorom Baxodirovna Begmatova, Savdo-sanoat palatasi raisining o‘rinbosari Farizshox Talatovich Usmanov va boshqa mas'ul xodimlar ishtirok etdi.

Tadbirda "birinchi qaldirg‘ochlar" ushbu universitet filiali faoliyati bilan tanishtirildi. Shuningdek, TOBB ETU TASHKENT jamoasining faoliyati to‘g‘risidagi ma'lumotlar taqdimot shaklida taqdim etildi.

Shuningdek, talabalar o‘zlarini qiziqtirgan barcha savollarga javob olish imkoniyatiga ega bo‘ldilar.

Uchrashuv so‘ngida TOBB ETU TASHKENTning talabalari bilan yaqindan muloqot qilish,  har biriga individual tarzda yondashish uchun maqsad va vazifalar belgilab olindi.

Universitet filiali to‘g‘risida batafsil bu yerdan bilib olishingiz mumkin.

SSP Matbuot xizmati