O‘zbekiston-Turkiya hamkorligi

2020 yil 5 oktyabr kuni O‘zbekiston Savdo-sanoat palatasi Navoiy viloyat hududiy boshqarmasining kumagida, Turkiya Respublikasining MKS MERMER KESMA VE SILME MAK kompaniyasi vakili bilan birgalikda Nurota tumani hamda G‘azg‘on shaxarchada tabiiy toshlarni qayta ishlash (parzodlash) faoliyati bilan shug‘ullanuvchi “Trade Production International” MChJ, "Faridbek-Zafarbek" X/K, "Usto-Zikriyo" X/K, "Marmar Marvaridi" X/K rahbarlari bilan uchrashuv utkazildi.

Uchrashuv davomida O‘zbekiston Savdo-sanoat palatasi Navoiy viloyat hududiy boshqarmasi ko‘magida "USTO-ZIKRIYO" xususiy korxonasi tomonidan MKS MERMER KESMA VE SILME MAK kompaniyasidan xarid qilingan umumiy qiymati 300 000 AQSh dollar bo‘lgan tabiiy toshlarni qayta ishlashga mo‘ljallangan uskunalar xolati va ishlab chiqarish jarayoni bilan yaqindan tanishildi hamda ishlab chiqarish jarayonini yanada jadallashtirish borasida Turkiya Respublikasining MKS MERMER KESMA VE SILME MAK kompaniyasi xamkorligida muzokaralar utkazildi.

SSP Matbuot xizmati