Parkent va Yuqorichirchiq tumanlari homikliklarida “Har bir tadbirkor – yoshlarga madadkor” tashabbusini amalga oshirish boʼyicha yigʼilish boʼlib o'tdi

Habaringiz bor Oʼzbekiston Savdo-sanoat palatasi tomonidan “Har bir tadbirkor – yoshlarga madadkor” tashabbusini amalga oshirish, uning mazmun va mohiyatini tadbirkorlar va yoshlar oʼrtasida keng targʼib qilish boʼyicha ishlarni tashkillashtirish yuzasidan joylarda mutassadi idoralar rahbarlari bilan uchrashuvlar oʼtkazilib kelinmoqda.

Jumladan, joriy yilning 22 yanvar kuni Toshkent viloyatining Parkent va Yuqorichirchiq tumanlari hokimliklarida Savdo-sanoat palatasi Raisining birinchi oʼrinbosari I.Jasimov raisligida shu kabi uchrashuvlar boʼlib oʼtdi.

Uchrashuvlarda hokimlarning birinchi oʼrinbosarlari, yoshlar siyosati boʼyicha oʼrinbosarlari, Bandlik boʼlinmalari, Yoshlar ishlari agentligi, Soliq inspektsiyasi, Mahalla va oilani qoʼllab-quvvatlash vazirligi tuman boʼlimlari rahbarlari hamda SSPning Toshkent viloyat hududiy boshqarmasi boshligʼi U.Аkbarov hamda tuman Tadbirkorlikka koʼmaklashish markazi masʼul hodimlari ishtirok etishdi.

Uchrashuvlar davomida “Har bir tadbirkor – yoshlarga madadkor” tashabbusi doirasida ishsiz yoshlarni tadbirkorlikka keng jalb qilish va ularning bandligini taʼminlash boʼyicha ishchi guruxlar ishini tashkil etish masalalari muhokama qilinib, ishchi guruh tarkibiga kiritilgan har bir mutassadi idoralar tomonidan qilinishi lozim boʼlgan ishlar belgilab olindi va ular oldiga aniq vazifalar quyildi.

Bundan tashqari, tashabbus doirasida tabirkorlik faoliyatini boshlagan yoki bandligi taʼminlangan yoshlarning kelgusidagi faoliyatini (yashovchanligini) doimiy ravishda monitoring qilib borish boʼyicha ham aniq vazifalar belgilab olindi

SSP tomonidan bu boradagi ishlari davom etmoqda.

SSP Аxborot-xizmati