“Kichik biznes va xususiy tadbirkorlikni rivojlantirish: pandemiya va undan keyingi davrda ularni qoʼllab-quvvatlash” mavzusidagi davra suhbatini tashkil etish masalasi muhokama etildi

Joriy yilning 16 fervral kuni Oʼzbekiston Savdo-sanoat palatasida Oliy majlis Senati Raisining birinchi oʼrinbosari S.Safoev rahbarligida masʼul vazirlik va idoralar vakillari ishtirokida “Kichik biznes va xususiy tadbirkorlikni rivojlantirish: pandemiya va undan keyingi davrda ularni qoʼllab-quvvatlash” mavzusidagi davra suhbatini tashkil etish boʼyicha ichshi yigʼilishi boʼlib oʼtdi.

Davra suhbatini tashkil etishdan koʼzlangan asosiy maqsad pandemiya davrida davlat tomonidan kichik biznes va xususiy tadbirkorlikni qoʼllab-quvvatlash, ularning rivojlanishiga har tomonlama koʼmaklashish borasida yaratib berilayotgan imkoniyatlar hamda masʼul vazirlik va idoralar tomonidan bu sohada qilingan ishlar, mavjud muammolar va ularni hal etish masalalarini muhokama qilish, shuningdek, tadbirkorlik subyektlariga oʼz muammolari va takliflarini bildirishga ochiq platforma yaratish ekanligi taʼkidlandi.

Yigʼilish davomida davra suhbatini oʼtkazishga tayyorgarlik koʼrish va uni tashkil etish boʼyicha masʼul vazirlik va idoralar oldida aniq vazifalar belgilab olindi.

SSP Matbuot xizmati