Intellektual mulk himoyasi tizimidagi yangiliklar

Oʼzbekiston Respublikasi Prezidentining 2021 yil 28 yanvardagi “Intellektual mulk obyektlarini muhofaza qilish tizimini takomillashtirish chora-tadbirlari toʼgʼrisida”gi PQ-4965-son Qarori imzolandi.

2021 yil 1 apreldan boshlab, intellektual mulk obyektlari tovar belgisi va xizmat koʼrsatish belgisi boʼyicha faqat tadbirkorlik faoliyatini amalga oshirayotgan yuridik va jismoniy shaxs nomiga roʼyhatdan oʼtkaziladigan ishlarga nisbatan qonunchilikdagi cheklovlar bekor qilinadi.Intellektual mulk obʼektlarini davlat roʼyhatiga olish boʼyicha tezkor ekspertiza tartibi joriy etiladi. Bunda tomonlarga yuboriladigan talabnoma ikki tomonning oʼzaro kelishuvlariga asosan amalga oshiriladi.

Аgentlikning talabnomalarini davlat ekspertizasidan oʼtkazishda autsorsing usullarini qoʼllash tajribasi amalga oshiriladi.

2025 yil 1 yanvarga qadar milliy eksport qiluvchilar tomonidan joy nomlarini roʼyhatga olish boʼyicha qilinadigan sarf-xarajatlari Аgentlikning byudjetdan tashqari mablagʼlari hisobidan toʼliq qoplaniladi.

2021 yil 1 iyungacha intellektual mulk (mualliflik huquqi, turdosh huquqlar va sanoat mulki) obyektlarini buxgalteriya hisobida aks ettiriladi.Eksport ulushi umumiy tovar aylanmasining 60 foizidan ortigʼini tashkil etadigan eksport qiluvchi tadbirkorlik subʼektlari uchun tovar belgilarini 2021-2022 yillarda milliy roʼyhatdan oʼtkazish bepul amalga oshiriladi. Tadbirkorlik subyektlarini davlat roʼyhatidan oʼtkazish jarayonida tovar belgisi va xizmat koʼrsatish belgisini ham davlat roʼyhatidan oʼtkazish targʼib qilinadi.

Savdo-sanoat palatasi va Аgentlik tomonidan yiliga kamida bir marta Oʼzbekiston va xalqaro miqyosida tan olingan milliy brendlar egalari ishtirokida milliy anjumanlar va master-klasslar oʼtkaziladi.

2021 yil 1 oktyabrga qadar Аgentlik huzurida “Patent platformasi” ishga tushiriladi.Ushbu platformada quyidagi maʼlumotlar aks ettiriladi:

ixtirolar, foydali modellar,sanoat namunalari, selektsiya yutuqlari, tovar belgilari, xizmat koʼrsatish belgilari, tovar kelib chiqqan joy nomlari.

Mazkur platforma elektron shaklda yuritilib, tadbirkorlik subʼektlari ixtiyoriy va bepul asosda kiritiladi.

Аgentlik tomonidan bir yilda bir marta “Eng yaxshi intellektual mulk obyekti” tanlovi oʼtkaziladi. Shuningdek, ushbu tanlov gʼoliblariga bazaviy hisoblash miqdorining 30,25,20 baravari miqdorida pul mukofotlari beriladi.

Savdo-sanoat palatasi tomonidan har bir hududda yiliga kamida 4 marta franshiza yarmarkasi va koʼrgazmalari tashkil etiladi.

Mamlakatimizda intellektual mulk obʼektlarini samarali himoya qilish investitsion iqlimni yaxshilash, mahalliy ishlab chiqaruvchilarni qoʼllab-quvvatlash, tashqi savdoda diskriminatsion choralardan himoyalash, kontrafakt va qaroqchilik mahsulotlar soni kamayishiga zamin yaratadi.

SSP Аxborot-xizmati