O‘zbekiston Savdo-sanoat palatasi tomonidan yana bir tadbirkorning huquq va qonuniy manfaatlari himoya qilindi

O‘zbekiston Savdo-sanoat palatasiga uning a'zosi “Biti-production” MChJ murojaat qilib, huquq va qonuniy manfaatlarini himoya qilishda amaliy yordam so‘ragan.

“Biti-production” MChJ murojjati o‘rganib chiqilganda, jamiyat va Respublikada faoliyat yurituvchi davlat unitar korxonasi o‘rtasida xizmat ko‘rastish shartnomasi imzolanganligi, Davlat unitar korxona tomonidan shartnoma bo‘yicha o‘z majburiyatlarini lozim darajada bajarilmaganligi natijasida tadbirkor zarar ko‘rganligi aniqlandi.

Davlat unitar korxonasi shartnoma shartlarini lozim daraja bajarilmaganligi oqibatida yetkazilgan zararni undirish yuzasidan Savdo-sanoat palatasi tomonidan Palata a'zosi manfaatida sudga da'vo arizasi bilan murojaat qilingan.

Toshkent tumanlararo iqtisodiy sudining hal qiluv qarori bilan DUK hisobdan “Biti-production” MChJ foydasiga 168 665 821 so‘m miqdoridagi asosiy qarz undirib berilgan va, shu tariqa, Palata a'zosining huquq va qonuniy manfaatlari himoya qilingan.

SSP Axborot-xizmati