SSP Jizzax viloyat hududiy boshqarmasida tadbirkorlikka ko‘maklashish markazlari faoliyatini takomillashtirish yuzasidan seminari tashkil qilindi.

O‘zbekiston Respublikasi Prezidentining 2017 yil 19 iyundagi “O‘zbekiston Respublikasi Savdo-sanoat palatasi faoliyatini tashkil etishni takomillashtirish to‘g‘risida”gi PQ-3068-sonli qarori ijrosini ta'minlash maqsadida O‘zbekiston Savdo-sanoat palatasi Jizzax viloyat hududiy boshqarmasi tuman (shahar) tadbirkorlikka ko‘maklashish markazlari  faoliyatini takomillashtirish va 2021 yildagi ustuvor vazifalarni muhokama qilish, tuman (shahar) tadbirkorlikka ko‘maklashish markazlari xodimlarining malakasini oshirish hamda shahar tadbirkorlikka ko‘maklashish markazi faoliyatining ijobiy natijalari yuzasidan tajriba almashishi maqsadida 2021 yil 6 aprel kuni viloyat seminari tashkil qilindi.

Seminarni kirish so‘zi bilan boshqarma boshliq o‘rinbosari Narzulla Qo‘shboqov ochib, tuman (shahar) tadbirkorlikka ko‘maklashish markazlari faoliyatidagi ijobiy natijalari yuzasidan tushuncha berdilar. Seminarda hududiy boshqarma rahbarlari, boshqarma sektor mudirlari va tuman (shahar) Tadbirkorlikka ko‘maklashish markazlari ma'sullari ishtirok etishdi.

Kun tartibidagi 2-masala “Ijro intizomi, tadbirkorlikka ko‘maklashish markazlari lardagi yig‘ma jild namunalari bilan tanishish, xujjatlarni yuritish shakli, tashkilotga kirish, chiqish xujjatlarining tartibi to‘g‘risida” yuzasidan Ilhom Abduraimov so‘zga chiqdilar.

Kun tartibidagi 3-masala  “Tuman (shahar) tadbirkorlikka ko‘maklashish markazlarilarini 2021 yil 1-chorak davomidagi faoliyatini KPI tizimi asosida baholash natijalari hamda yo‘l qo‘yilgan kamchiliklar to‘g‘risida”  yuzasidan Ozoda Otajonova so‘zga chiqdilar.

Kun tartibidagi 4-masala yuzasidan  “2021 yil 2-chorak davomida tadbirkorlik sub'ektlarini a'zolikka jalb etish va a'zolik badallarini tushurishni tashkil etish to‘g‘risida”  Zokir Mamirov so‘zga chiqdilar.

Seminar davomida Tadbirkorlikka ko‘maklashish markazlari shahar va tuman tuzilmalari faoliyatini muvofiqlashtirish sektori Nargiza Mavlonova tomonidan “Yoshlar 1+1” dasturi hamda “Har bir tadbirkor-yoshlarga madadkor” loyihasi doirasida tuman (shahar)larda amalga oshiriladigan ustuvor vazifalar hamda past ko‘rsatkichdagi tumanlar faoliyati muhokama qilindi.

Seminarda tuman (shahar) tadbirkorlikka ko‘maklashish markazlari xodimlari o‘zlarini qiziqtirgan barcha savollarga javoblar olishdi.

Tuman (shahar) Tadbirkorlikka ko‘maklashish markazlari faoliyatini takomillashtirish va xodimlarning malakasini oshirish hamda tajriba almashish maqsadida shu kabi seminarlarni oylik hisobot tariqasida har bir tumanlarda tashkillashtirishga, ularning olib borayotgan ish uslublari bilan yaqindan tanishishga , a'zolik badali ko‘rsatkichi past bo‘lgan tuman tadbirkorlikka ko‘maklashish markazlarilarini ish uslublari muhokama qilinib, ko‘rsatkichi nisbatan yuqori bo‘lgan tuman bilan tajriba almashishni yo‘lga qo‘yishga kelishildi.

SSP Axborot-xizmati