Buxoro viloyatida "Biznesni boshkarish dasturi" buyicha o‘quv seminarlar bo‘lib o‘tdi

So‘nggi yillarda aholining keng qatlamini tadbirkorlikka jalb qilish va ularning daromad manbalarini kengaytirishga qaratilgan “Har bir oila – tadbirkor”, “Yoshlar kelajagimiz” va boshqa ijtimoiy dasturlar doirasida imtiyozli kreditlar ajratilib, ko‘plab oilalarni qamrab olishga erishildi. Mazkur dasturlar hududlarda aholining tadbirkorlik faoliyati bilan shug‘ullanishi, uning turmush tarzini yaxshilash va ish bilan bandligini oshirish uchun turtki bo‘lib xizmat qilmoqda. Aholini tadbirkorlikka jalb qilish tizimini takomillashtirish, kambag‘allikni qisqartirish va tadbirkorlikni rivojlantirish bo‘yicha amalga oshirilayotgan islohotlarni izchil davom ettirilib kelinmoqda.

Xususan, joriy yilning 21 aprel' sanasida, O‘zbekiston Savdo-sanoat palatasining Buxoro viloyati xududiy boshkarmasi va "Biznes va tadbirkorlik Oliy maktabi" Buxoro filiali xamkorligida Buxoro shaxrning axolisi, ayniqsa yoshlari uchun "Biznesni boshkarish dasturi" buyicha o‘quv seminarlar bo‘lib o‘tdi. Bu kabi seminarlar hududlarda oilalarni tadbirkorlik faoliyatiga keng jalb qilishga, ularning barqaror va qo‘shimcha daromad manbaiga ega bo‘lishiga, milliy hunarmandchilik yanada rivojlanishiga, xotin-qizlarning tadbirkorlik tashabbuslari amalga oshirilishiga, yosh tadbirkorlarning istiqbolli g‘oyalari va loyihalari ro‘yobga chiqishiga hamda shu asosda aholining bandligi ta'minlanishiga zamin yaratish, shu bilan birga aholining mehnat orqali daromad topishga bo‘lgan qiziqishini keskin oshirish, ayniqsa muhtoj oilalarning hunarmandchilik, kasanachilik va boshqa tadbirkorlik faoliyatini boshlashga zamin yaratadi.

SSP Matbuot xizmati