Mansabdor shaxslarni tadbirkorlik subyektlari faoliyatini tekshirish huquqini berish yuzasidan o‘tkazilgan attestasiya komissiyalarida Savdo-sanoat palatasi vakillari ham ishtirok etdi

O‘zbekiston Respublikasi Vazirlar Mahkamasining 2018 yil 7 noyabrdagi 920-son qarori bilan tasdiqlangan “Nazorat qiluvchi organlar mansabdor shaxslarini tadbirkorlik sub'ektlari faoliyatini tekshirish huquqini berish yuzasidan attestasiyadan o‘tkazish tartibi to‘g‘risida”gi Nizom bilan nazorat qiluvchi organlar mansabdor shaxslarini tadbirkorlik sub'ektlari faoliyatini tekshirish huquqini berish yuzasidan o‘tkaziladigan attestasiyada komissiya a'zolari tarkibiga Savdo-sanoat palatasi vakillari kiritilishi shartligi belgilangan.         

Ushbu Nizom talablaridan kelib chiqib, o‘tgan hafta mobaynida Hisob palatasi, Davlat bojxona qo‘mitasining Toshkent shahri bo‘yicha boshqarmasi va “O‘zneftgazinchpeksiya”ning mansabdor shaxslarini tadbirkorlik subyektlari faoliyatini tekshirish huquqini berish yuzasidan o‘tkazilgan attestasiyalarda O‘zbekiston Savdo-sanoat palatasi vakillari komissiya a'zosi sifatida ishtirok etdi.          

Mazkur attestasiyalarda nazorat qiluvchi organlarning 90 nafar xodimlari suhbatdan o‘tkazildi. Shulardan 76 nafariga tekshiruv o‘tkazishga ruxsat beruvchi maxsus guvohnoma berildi, qolgan 14 nafariga maxsus guvohnoma berish rad etildi.    

Eslatma: Savdo-sanoat palatasi a'zosi bo‘lgan tadbirkorlik subyektlari nazorat qiluvchi organlar tomonidan o‘tkaziladigan tekshiruvlarda tadbirkor manfaatida qatnashish va jarayonni monitoring qilib borish maqsadida Palata va uning hududiy boshqarmalari vakillarini taklif etishi mumkin.

SSP Matbuot xizmati