Mansabdor shaxslarni tadbirkorlik subyektlari faoliyatini tekshirish huquqini berish yuzasidan oʼtkazilgan attestatsiya komissiyasida Savdo-sanoat palatasi vakili ham ishtirok etdi

Oʼzbekiston Respublikasi Vazirlar Mahkamasining 2018 yil 7 noyabrdagi 920-son qarori bilan tasdiqlangan “Nazorat qiluvchi organlar mansabdor shaxslarini tadbirkorlik subʼektlari faoliyatini tekshirish huquqini berish yuzasidan attestatsiyadan oʼtkazish tartibi toʼgʼrisida”gi Nizom bilan nazorat qiluvchi organlar mansabdor shaxslarini tadbirkorlik subyektlari faoliyatini tekshirish huquqini berish yuzasidan oʼtkaziladigan attestatsiyada komissiya aʼzolari tarkibiga Savdo-sanoat palatasi vakillari kiritilishi shartligi belgilangan.         

Ushbu Nizom talablaridan kelib chiqib, oʼtgan haftada Oʼzbekiston Respublikasi Аdliya vazirligi huzuridagi Intellektual mulk Аgentligining mansabdor shaxslarini tadbirkorlik subyektlari faoliyatini tekshirish huquqini berish yuzasidan oʼtkazilgan attestatsiyada Oʼzbekiston Savdo-sanoat palatasi vakili komissiya aʼzosi sifatida ishtirok etdi.   

Mazkur attestatsiyada Intellektual mulk Аgentligining 23 nafar xodimlari suhbatdan oʼtkazildi. Shulardan 21 nafariga tekshiruv oʼtkazishga ruxsat beruvchi maxsus guvohnoma berildi, qolgan 2 nafariga maxsus guvohnoma berish rad etildi.     

Eslatma: Savdo-sanoat palatasi aʼzosi boʼlgan tadbirkorlik subyektlari nazorat qiluvchi organlar tomonidan oʼtkaziladigan tekshiruvlarda tadbirkor manfaatida qatnashish va jarayonni monitoring qilib borish maqsadida Palata va uning hududiy boshqarmalari vakillarini taklif etishi mumkin. 

SSP Axborot-xizmati