Aholini profilaktik emlash bo‘yicha qonun xujjatlarga o‘zgartirish va qo‘shimchalar kiritildi.

O‘zbekiston Respublikasining Prezidenti tomonidan O‘RQ-705-son 2021 yil 2 avgustdagi “O‘zbekiston Respublikasining ayrim qonun hujjatlariga aholining sanitariya-epidemiologik osoyishtaligini ta'minlashga qaratilgan o‘zgartirish va qo‘shimcha kiritish to‘g‘risida”gi Qonuni imzolandi.

Qonun bilan Mehnat kodeksi va “Fuqarolar sog‘lig‘ini saqlash to‘g‘risida”gi Qonunlariga qo‘shimchalar kiritildi.

O‘zbekiston Respublikasi Mehnat kodeksining 113-moddasining uchinchi qismiga ko‘ra, xodim karantinli va odam uchun xavfli bo‘lgan boshqa yuqumli kasalliklar tarqalishi tahdidi mavjud bo‘lgan taqdirda O‘zbekiston Respublikasi Bosh davlat sanitariya vrachining qarori asosida qonunchilikda belgilangan tartibda joriy etiladigan profilaktik emlashdan o‘tishni rad etgan taqdirda (sog‘lig‘ining holatiga ko‘ra qarshi ko‘rsatma mavjud bo‘lmaganda) ish beruvchi uni ishga qo‘ymaslikka haqli.

O‘zbekiston Respublikasi “Fuqarolar sog‘lig‘ini saqlash to‘g‘risida”gi Qonuniga ko‘ra, karantinli va inson uchun xavfli bo‘lgan boshqa yuqumli kasalliklar tarqalishi tahdidi mavjud bo‘lgan taqdirda O‘zbekiston Respublikasi Bosh davlat sanitariya vrachining qarori asosida aholini profilaktik emlashdan o‘tkazish joriy etilishi mumkinligi belgilandi.

Ushbu Qonun rasmiy e'lon qilingan kundan e'tiboran kuchga kiradi.

SSP Axborot-xizmati