Yarim yilda YaIM 6,2 foizga oʼsdi

Davlat statistika qoʼmitasi YaIM iqtisodiy faoliyat turlari boʼyicha 6 oylik yakuniy natijasini eʼlon qildi.

2021 yil yanvar-iyun oylari yakunlariga koʼra, YaIM oʼsishi 6,2 % ga yetdi. Bu haqda Davlat statistika qoʼmitasi matbuot xizmati xabar qildi.

Iqtisodiyotning barcha tarmoqlarida yaratilgan yalpi qoʼshilgan qiymat hajmi YaIM umumiy hajmining 92,4 % ini tashkil etdi va 6,1 % ga oʼsdi (YaIM mutlaq oʼsishiga taʼsiri 5,7 foiz punktni tashkil etdi).

Mahsulotlarga sof soliqlarning YaIM tarkibidagi ulushi 7,6 % ni tashkil etdi va 7,1 % ga oʼsdi (YaIM mutlaq oʼsishiga taʼsiri – 0,5 f.p.).

Faoliyat turlari boʼyicha qoʼshilgan qiymatning oʼsishi quyidagicha boʼldi:

– qishloq, oʼrmon va baliqchilik xoʼjaligida – 1,8 %;

– sanoatda – 8,5 %;

– qurilishda – 0,1 %;

– xizmatlar sohasida – 8,0 %.

Manbaa: review.uz

SSP Matbuot xizmati