"Yoshlar: 1+1" dasturi doirasida 6 kunlik oʼqitish kurslari davom etmoqda

Xabaringiz bor, Respublikamiz boʼylab keng koʼlamda “Har bir tadbirkor - yoshlarga madadkor” tamoyili ostida temir daftarga kiritilgan va uyushmagan yoshlarni tadbirkorlik asoslariga oʼqitish dasturlari davom etmoqda. Аyni vaqtga qadar mamlakatimizning deyarli barcha viloyatlarida oʼqitish dasturlaringing bir necha bosqichlari oʼz nihoyasiga yetkazilgan. Shuningdek, oʼquv kurslarini muvaffaqiyatli yakunlagan yoshlar maxsus sertifikatlarni qoʼlga kiritib oʼz tadbirkorlik faoliyatini yulga qoʼyishgan.

Xususan, Kattaqoʼrgʼon shahrida Yoshlar va temir daftarida turgan uyushmagan yoshlarni tadbirkorlikka keng jalb qilish maqsadida  Shahar hokimligi, Savdo-sanoat palatasi, Yoshlar ishlari agentligi, Moliya boʼlimi, Davlat soliq qoʼmitasi,  Mikrokredit bank, Xalq banki hamda tegishli idoralar bilan birgalikda "Yoshlar: 1+1" dasturi doirasida  qisqa muddatli 48-soat (6-kunlik) tadbirkorlik asoslariga oʼqitish jarayonlari olib borilmoqda.

SSP Axborot-xizmati