Sirdaryoda tadbirkorlarning muammolariga “mijozbay” tizimi orqali amaliy yordam koʼrsatilmoqda

Oʼzbekiston Respublikasi Prezidenti huzurida 2021 yil 8 aprel kuni oʼtkazilgan videoselektor yigʼilishida hududlarda tadbirkorlikni rivojlantirish toʼgʼrisida berilgan topshiriqlardan kelib chiqib, 2021 yil 12 oktyabrь kuni Sirdaryo viloyati bojxona boshqarmasida tashkil etilgan Ishchi guruhi tomonidan Sirdaryo viloyati bojxona boshqarmasi rahbariyati boshchiligida Sirdaryo tumani hokimi oʼrinbosari - Investitsiya va tashqi savdo boʼlimi boshligʼi, Sirdaryo viloyati Savdo-sanoat palatasining eksport sektori bosh mutaxassissi hamda Sirdaryo tumani “Haqiqat” SIU joylashgan “POLYPACK” MChJ mutasaddi rahbarlari ishtirokida “mijozbay” tizimida uchrashuv oʼtkazildi.

Mazkur uchrashuvda, bojxona organlarida bojxona auditini oʼtkazish, bojxona sohasiga oid qonunbuzilish holatlarini sodir etgan yuridik va jismoniy shaxslar hamda ularning vakillarini sohaga oid muammo va masalalarini Oʼzbekiston Respublikasi JK, JPK, MJtK, FK, FPK va boshqa sohaga oid normativ-hujjatlar asosida tahliliy oʼrganib chiqish, qonunchilikdan ogʼishmasdan belgilangan muddatlarda muammo va masalalarni hal etish hamda bojxona organlari bilan vujudga kelishi mumkin boʼlgan nizolarni muqobil hal etish usullari hamda bugungi kunda Hukumatimiz tomonidan tadbirkorlikni qoʼllab-quvvatlashda berilayotgan keng imkoniyatlariga alohida toʼxtalib oʼtildi.

Jumladan, bojxona boshqarmasining sohaviy boʼlimlari tomonidan Oʼzbekiston Respublikasi Prezidentining 2021 yil 7 sentyabrdagi “Eksportchi korxonalarni ragʼbatlantirishga oid qoʼshimcha chora-tadbirlar toʼgʼrisida”gi farmoni bilan TIF qatnashchilariga yaratilayotgan qulayliklar va Vazirlar Mahkamasining 2021 yil 25 fevraldagi “Bojxona auditini oʼtkazish tartibi toʼgʼrisidagi nizomni tasdiqlash haqida”gi qarori bilan bojxona organlarida bojxona auditini oʼtkazish tartibi hamda Oʼzbekiston Respublikasining “Mediatsiya toʼrisidagi” qonuni asosida tushuntirishlar berib oʼtildi.

Shuningdek, uchrashuv soʼngida korxonaning mahsulot ishlab chiqarish jarayoni bilan yaqindan tanishilib, ishlab  chiqarishni modernizatsiyalashtirish orqali yangi ishchi oʼrinlarni tashkil etishda hamda bojxona xodimlari tomonidan bojxona sohasiga oid muammolarni hal etilishida yaqindan amaliy yordam koʼrsatilishi boʼyicha kelishib olindi.

SSP Axborot-xizmati