Tadbirkorlarning huquqi hamisha himoya ostida

Ta'kidlash lozimki, tadbirkorlikni jadal rivojlantirish, ishbilarmonlik muhitini xar tomonlama qo‘llab-quvvatlash hamda xorijiy investisiyalarni jalb qilinishida biznesning huquqiy himoyasi ta'minlash muhim ahamiyat kasb etadi.

Bu borada Savdo-sanoat palatasi tomonidan bir qator ishlar amalga oshirilib, tadbirkorlarning, ayniqsa Palata a'zolarining huquqlari ishonchli himoya qilib kelinmoqda.

Hususan, joriy yilning I-choragida Palata a'zolari manfaatida sudlarga 113 mingdan ortiq da'vo arizalar kiritilgan bo‘lib, ushbu ko‘rsatgich 2021-yilning I-choragiga nisbatan 2 barobarga ko‘pdir.

Shu bilan birga, 483 ta holatda tadbirkorlik sub'ektlari o‘rtasida vujudga kelgan nizolar Palata yordamida sudgacha hal etilgan.

Davlat idoralariga nisbatan hamda ular tomonidan qabul qilinayotgan qarorlar ustidan 67 ta holatda sudlarga da'vo arizasi kiritilgan bo‘lib, tadbirkorlik sub'ektlarining qonuniy manfaatlari himoya qilingan.