Qozog‘iston kompaniyasi bilan meva-sabzavotlar eksporti bo‘yicha uchrashuv bo‘lib o‘tdi

2022-yil 27-may kuni Savdo-sanoat palatasi mas'ullari va Kozog‘istonning yirik ulgurji va chakana savdo kompaniyasi bilan respublikamizdan meva-sabzavot mahsulotlarini Qozog‘istonga eksport qilish bo‘yicha onlayn uchrashuv bo‘lib o‘tdi.

Uchrashuvda respublikamizdan yangi uzilgan meva-sabzavot mahsulotlarini Qozog‘istonga yetkazib berishda bevosita Qozog‘istonning savdo kompaniyasi va O‘zbekiston eksportyorlari bilan amaliy aloqalarni o‘rnatish masalalari muhokama etildi.

Ushbu uchrashuvda meva-sabzavot mahsulotlari yetishtiruvchi va eksport qiluvchi mahalliy tadbirkorlik sub'ektlari ham ishtirok etib, Qozog‘iston kompaniyasi bilan kelgusidagi ishlar bo‘yicha kelishib oldilar.