O‘zbekistonda Germaniya iqtisodiyoti kuni bo'lib o'tdi

2016 yilning 23 sentyabr kuni «Whyndham Tashkent» mehmonxonasida O‘zbekiston Respublikasi Savdo-sanoat palatasi tomonidan Markaziy Osiyo bo‘yicha Germaniya iqtisodiyoti vakolatxonasi hamkorligida, Germaniya Iqtisodiyot va energetika federal vazirligi, O‘zbekistonda faoliyat yurituvchi nemis korxonalari, shuningdek, O‘zbekiston Respublikasi vazirliklari, idoralari va tarmoq kompaniyalari ishtirokida «O‘zbekistonda Germaniya iqtisodiyoti kuni» bo'lib o'tdi.

Ushbu tadbirdan ko‘zlangan maqsad O‘zbekiston va Germaniya korxonalari o‘rtasida aloqalarni yo‘lga qo‘yish, O‘zbekistonda biznes yuritish bo‘yicha germaniyalik kompaniyalarning tajribasini taqdim etish, shuningdek, yangi investitsiyaviy loyihalarni moliyalashtirish imkoniyatlarini o‘rganishdan iborat.

Mazkur tadbir doirasida o‘zbekistonlik va germaniyalik vakillarning tomonidan infratuzilma, korporativ boshqaruv, muqobil energetika, savdo, bank sohalarini rivojlantirishga oid qo‘shma loyihalarni amalga oshirishga qaratilgan ikki tomonlama hamkorlikni yo‘lga qo‘yish bilan bog‘liq masalalarda taqdimotlari kutilayotgan bo‘lib, shuningdek ikki tomonlama muzokaralar o‘tkazildi.

Tadbir doirasida O‘zbekiston Savdo-sanoat palatasi tomonidan ishbilarmon hamkorlikni rivojlantirish, shuningdek, qo‘shma ishlab chiqarishlarni tashkil etish maqsadida xorijiy investitsiyalarni jalb qilish uchun qo‘shimcha turtki sifatida xizmat qilishi nazarda tutilgan kooperatsiya birjasi tashkil etiladi. Ishbilarmonlik uchrashuvlari chog‘ida ikki mamlakat tadbirkorlari o‘rtasidagi o‘zaro hamkorlikni mustahkamlashga oid o‘zaro manfaatli munosabatlarga doir masalalar muhokama qilindi.

Xususan, delegatsiya tarkibi bank ishi, injiniring, korporativ boshqaruv, energetika, qurilish, logistika kabi qator sohalarda faoliyat yurituvchi kompaniyalarning rahbarlari va vakillaridan iborat edi.

Qayd etish kerakki, 2015 yil yakunlari bo‘yicha ikki tomonlama savdo hajmi 521,5 mln. AQSh dollari, jumladan, eksport – 32,9 mln. AQsh dollari, import esa – 488,6 mln. AQSh dollarini tashkil qilgan bo‘lsa, joriy yilning yanvarь-iyulь oylari davomida davlatlar o‘rtasidagi mahsulot aylanmasi 304,4 mln. AQSh dollari, jumladan, eksport – 19,4 mln. AQSh dollarini, import esa – 285,0 mln. AQSh dollariga etdi. Eksport bo‘yicha asosiy pozitsiyalar: transport va sayyohlik xizmatlari, sarhil va qayta ishlangan meva-sabzavot mahsulotlari, misdan ishlangan buyumlar, noorganik kimyo vositalari, matolar, paxta mahsulotlari va boshqalar.

Bugungi kunda O‘zbekiston Respublikasida Germaniya investorlari ishtirokida tashkil etilgan 112 ta korxona faoliyat yuritayotgan bo‘lib, ulardan 27 tasi 100 foiz Germaniya kapitaliga ega. O‘zbekiston Respublikasi Tashqi iqtisodiy aloqalar, investitsiyalar va savdo vazirligi huzurida Germaniya Federativ Respublikasi 36 ta firma va kompaniyalarining vakolatxonalari akkreditatsiyadan o‘tkazilgan.

O‘zSSP Matbuot xizmati