O‘zbekiston Savdo-sanoat palatasi tomonidan yana bir tadbirkorning huquq va qonuniy manfaatlari himoya qilindi

O‘zbekiston Savdo-sanoat palatasiga uning a'zosi “BITI-PRODUCTION” MChJ murojaat qilib, huquq va qonuniy manfaatlarini himoya qilishda amaliy yordam so‘ragan.

“BITI-PRODUCTION” MChJ murojaati o‘rganib chiqilganda, jamiyat va Toshkent shahar hokimligi huzuridagi “Yagona buyurtmachi xizmati” unitar korxonasi o‘rtasida pudrat shartnomasi imzolanganligi, unitar korxona tomonidan shartnoma bo‘yicha o‘z majburiyatlarini lozim darajada bajarilmaganligi natijasida tadbirkor zarar ko‘rganligi aniqlandi. 

Ushbu qarzdorlikni undirish yuzasidan vujudga kelgan nizoli masalani o‘zaro tinch yo‘l bilan hal etish maqsadida, Palata tomonidan taraflar o‘rtasida sudgacha nizoni hal etish jarayoni o‘tkazildi. Biroq, nizoni o‘zaro kelishish orqali hal etish imkoni bo‘lmaganligi sababli, Palata tomonidan o‘z a'zosi manfaatida tegishli sudga da'vo arizasi bilan murojaat qilingan.

Toshkent tumanlararo iqtisodiy sudi tomonidan ish mazmunan ko‘rib chiqilib, Palataning da'vo talablarini qanoatlantirish va Toshkent shahar hokimligi xuzuridagi “Yagona buyurtmachi xizmati” unitar korxonasi hisobidan jamiyat foydasiga qarzdorlik summasini undirib berish to‘g‘risida hal qiluvchi qarori qabul qilingan va shu orqali Palata a'zosining huquq va qonuniy manfaatlari himoya qilingan.