Tadbirkorlar diqqatiga!

Savdo-sanoat palatasining Yevropa Ittifoqi tomonidan moliyalashtiriladigan (SWITCH ASIA dasturi) “O‘zbekiston va Tojikistonda atlas va ipakchilikni barqaror rivojlanishini tiklash” RUTSIS loyihasi doirasida  Germaniya san'at va dizayn universiteti ekspertlari ishtirokida chiqindisiz dizayn (Zero Waste Design) bo'yicha trening o'tkazilishi rejalashtirilmoqda.

Trening Markaziy Osiyoning mashhur matolari – atlas va adrasdan foydalangan holda zamonaviy moda dizaynida yangi siluetlarni topish uchun drapirovkadan qanday foydalanish mumkinligiga bag'ishlangan. 

Trening muddati: 2022 yil 20-23 sentyabr kunlari.
Treningning davomiyligi: kuniga 8 soat (tushlik tanaffuslari bilan birga). O'tkazilish joyi: Toshkent to'qimachilik va yengil sanoat instituti.
Ishtirok etish: bepul.

Treningda qatnashish uchun O‘zbekistonning barcha hududlaridan 10 nafar ishtirokchi tanlab olinadi. O'quv kursi yakunida ishtirokchilarga rasmiy sertifikatlar topshiriladi, shuningdek, ishtirokchilar atlas va adrasdan moda liboslarining qo‘shma kolleksiyasini yaratishga bag'ishlangan 4 oylik (2022 yil oktabrdan 2023 yil fevralgacha) loyihada ishtirok etish imkoniyatiga ega bo'ladilar.

Trening, talablar hamda ishtirok etish uchun ariza yuborish tartibi haqida batafsil ma'lumotlar.

Bog'lanish uchun: Ilxomjon Aliev
Tel.: +998 90 948-33-44