«Biznes-korrupsiyaga qarshi” mavzusida muloqot o‘tkazildi

Joriy yilning 10 noyabr kuni BMTning Narkotiklar va jinoyatchilikka qarshi kurash boshqarmasi (UNODC) bilan hamkorlikda Korrupsiyaga qarshi kurashish agentligining binosida onlayn va offlayn rejimda “Biznes - korrupsiyaga qarshi” mavzusida muloqot o‘tkazildi.

Ushbu tadbirdan ko‘zlangan asosiy maqsad – tadbirkorlar va ishbilarmonlar oldida turgan muammolar bilan tanishish, korrupsiyaga qarshi siyosatni takomillashtirish bo‘yicha takliflar ishlab chiqishdan iborat.

Mazkur tadbirda, Korrupsiyaga qarshi kurashish agentligi direktori A.Burxanov, O‘zbekiston Respublikasi Prezidenti huzuridagi Tadbirkorlik subʼektlarining huquqlari va qonuniy manfaatlarini himoya qilish bo‘yicha vakil D.Kasimov, vazirlik va idoralar, mahalliy va xalqaro tashkilotlar ekspertlari, shuningdek, o‘rta va yirik biznes vakillari ishtirok etdi.

Tadbir boshida Savdo-sanoat palatasi boshqarma boshlig‘i B.Ibodullayev so‘zga chiqib, korrupsiyaga qarshi kurashishda Palataning o‘rni, biznes yuritishda antikorrupsion madaniyatni shakllantirish, tadbirkorlarning huquqiy ongini va qonunga itoatkorligini oshirishga hamda korrupsiyaga nisbatan toqatsizlik muhitini yaratishda jamoatchilik nazorataning o‘rni juda muhimligini alohida taʼkidladi.

SSP matbuot xizmati