Tadbirkorning 3 yil davomida hal bo‘lmayotgan muammosi yechim topdi

Barcha hududlarda tadbirkorlar murojaatlarini qabul qilib, hal etishga ko‘maklashadigan O‘zbekiston Savdo-sanoat palatasi yana bir tadbirkor muammosini hal etishda yordam qo‘lini cho‘zdi.

Jumladan, “Pastdarg’om qurilish mollari” MCHJ tomonidan 2019 yilda qurilgan ko‘p qavatli binoga (523 ta xonadon) bugunga qadar turli tashkilotlar to‘sqinligi tufayli egalik huquqi berilmagan. 

Savdo-sanoat palatasi Samarqand viloyat hududiy boshqarmasiga 2022-yil 15 dekabr kuni murojaat qilganidan so‘ng, shu kunning o‘zida boshqarma boshlig‘i J.Shodiyev va Palataning Respublika vakili K.Abdiraximovlar tomonidan tadbirkorning muammoli masalasi ish joyiga borib, atroflicha o‘rganildi.

So‘ngra K.Abdiraximov Davlat kadastrlar palatasi vakillari bilan o‘zaro muzokara olib borib, ushbu ko‘p yillardan buyon hal bo‘lmayotgan, yaʼni yuqorida keltirilgan 523 ta xonadon egalariga qonun doirasida egalik qilish huquqi (kadastr xujjatlari) rasmiylashtirib berildi.

SSP matbuot xizmati