Palata tomonidan o‘rganilgan navbatdagi muammolar metan zapravkalar faoliyatiga bag‘ishlandi

Joriy yilning 13 yanvar kuni O‘zbekiston Savdo-sanoat palatasi rahbariyati tomonidan hududlardagi metan gaz quyish shaxobchalari faoliyatida bugungi kunda bugungi kunda kuzatilayotgan muammolar va ushbu muammolarni hal qilish borasidagi takliflar muhokamasiga bag‘ishlangan davra suhbati bo‘lib o‘tdi va unda jami 250 nafarga yaqin ushbu soha vakillari ishtirok etishdi.

Maʼlumki, mamlakatimizga qish faslining sovuq kelishi hamda hozirda mamlakatimizda kuzatilayotgan anomal sovuq taʼsirini kamaytirish  hamda birinchi navbatda aholini tabiiy gazga bo‘lgan extiyoji taʼminlash maqsadida, metan gaz quyish shaxobchalari faoliyatiga qisman cheklovlar o‘rnatilgan.

Tadbirkorlar tomonidan, mazkur cheklovlar ushbu sohadagi tadbirkorlik subʼektlari faoliyatiga ham o‘z taʼsirini ko‘rsatmasdan qolmadi va metan gaz quyish shaxobchalariga kunning maʼlum qismida ishlashiga ruxsat berilishi ularning faoliyatida moliyaviy jihatdan salbiy taʼsir ko‘rsatayotgani taʼkidlab o‘tildi.

Xususan, gaz quyish shaxobchalari egalarining tijorat banklaridan olgan kredit mablag‘larini qaytarish, xodimlarning oylik maoshlarini to‘lab berish, shuningdek ishlashga ruxsat berilgan 4-6 soat oralig‘ida elektr energiyasidagi uzilishlar yanada noqulayliklar bo‘lishi taʼkidlab o‘tildi.

Shu kabi tadbirkorlar tomonidan bildirilgan muammolarni puxta o‘rganish, ularning oqibatlarini bartaraf etish maqsadida, sohadagi tizimli muammolar tinglandi va ularning yechimini topish, kelajakda metan gaz quyish shaxobchalari egalarini qo‘llab-quvvatlash bo‘yicha quyidagi takliflar ishlab chiqildi:

1.        Metan gaz quyish faoliyati bilan shug‘ullanadigan tadbirkorlik subʼektlarining tijorat banklaridan olgan kredit mablag‘larini qaytarish bo‘yicha ularga imtiyozlar berish. Jumladan metan gaz quyish shaxobchalari uchun o‘rnatilgan cheklov davriga kredit mablag‘larini qaytarish muddatlarini uzaytirish yoki cheklovlar vaqtida kreditning foiz hisoblash tizimini to‘xtatib turish;

2.        Metan gaz quyish shaxobchalarining ishlashiga ruxsat berilgan vaqt oralig‘ida o‘sha hududda elektr energiyasi uzilishlarining oldini olish choralarini ko‘rish;

3.        Tadbirkorlarga metan gazni o‘rnatilgan limitdan ortiq  xarid qilingan holatdagi narxni limit bo‘yicha o‘rnatilgan narxga tenglashtirish (hozirda limitdan ortiq gaz sotib olinganda har bir metr kubi uchun 400 so‘m ortiqcha to‘lov amalga oshirilmoqda);

4.        O‘rnatilgan cheklovlar vaqtida gaz quyish shaxobchasining joylashuv o‘rni hamda xizmat ko‘rsatish imkoniyatlarini inobatga olgan holda maʼlum hududdagi barcha metan gaz quyish shaxobchalariga bir xil hajmda gaz ajratish;

5.        Metan gaz quyish shaxobchalariga ijtimoiy yo‘nalishdagi transport vositalari, xususan jamoat transportlari, avtobuslar, hamda shaharlararo oziq-ovqat mahsulotlarini tashishga ixtisoslashgan yuk mashinalariga  cheklovlarsiz xizmat ko‘rsatishni tashkil qilish.

Davra suhbatida bildirilgan barcha tizimli muammolar umumlashtirilib ularning yechimlari yuzasidan takliflar Prezident Administratsiyasiga va hukumatga kiritiladi.

Ushbu sohadagi tadbirkorlik subʼektlarida bu borada qo‘shimcha takliflar mavjud bo‘lsa, Savdo-sanoat palatasining kol-markaziga (78 150 60 06) hamda 1094 qisqa raqami orqali qoldirishlari mumkin.

SSP matbuot xizmati