Savdo-sanoat palatasida Prezident Qarori ijrosiga oid huquqiy masalalar muhokama qilindi

O‘zbekiston Respublikasi Prezidentining 2023-yil 23-yanvardagi “Savdo-sanoat palatasi faoliyatini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-15-sonli Qarori ijrosini to‘liq ta’minlash maqsadida Savdo-sanoat palatasi tomonidan amalga oshirilishi lozim bo‘lgan vazifalar Palata Raisining birinchi o‘rinbosari I.Jasimov rahbarligida Palata yuristlari tomonidan muhokama qilindi.

Muhokamada amaldagi qonunchilik hujjatlariga ushbu Qarordan kelib chiqadigan o‘zgartirish va qo‘shimchalar kiritish, shuningdek Qarorni amalga tadbiq qilish chora-tadbirlari, bu boradagi vazifalar taqsimoti kabi masalalar ko‘rib chiqildi.

Xususan, mazkur Qaror bilan Palataga berilgan yangi vakolatlarni amaldagi qonunlarda ham belgilash maqsadida “O‘zbekiston Respublikasi Savdo-sanoat palatasi tog‘risida”gi, "Davlat boji to'g'risida"gi Qonunlarga, O'zbekiston Respublikasining Iqtisodiy, Fuqarolik, Jinoyat protsessual hamda Ma'muriy sudlarda ish yuritish to'g'risidagi kodekslarga, O'zbekiston Respublikasi Prezidenti va Hukumatining tegishli qaror va farmonlariga, shuningdek boshqa bir qator normativ-huquqiy hujjatlarga o'zgartirish va qo'shimchalar kiritish to'g'risidagi ishlab chiqilgan takliflar muhokama qilinib, ular mukammalashtirildi.

SSP matbuot xizmati