Misrning yetakchi kompaniyalari bilan uchrashuv boʻlib oʻtdi

Oʻzbekiston SSP raisi Misrga tashrifi doirasida 14-fevral kuni Investitsiyalar va erkin zonalar bosh boshqarmasi (GAFI) direktori Xossam Xeyba bilan uchrashuv oʻtkazdi.

Shuningdek, Misr ishbilarmonlar uyushmasi (EBA) boshqaruvi raisi Ali Helmi Eissa bilan uchrashuv tashkil etildi.

Ikki davlat ishbilarmon doiralari oʻrtasida B2B formatida uchrashuvlar oʻtkazish va Oʻzbekiston-Misr biznes-forumidagi ishtiroki masalalari muhokama qilindi.

GAFI Misrda investitsiyalarni tartibga solish va ragʻbatlantirish bilan shugʻullanadigan asosiy davlat organi hisoblanadi. Boshqarma xorijiy investitsiyalar va reinvestitsiyalarni jalb qilish uchun Misrning potensial tarmoqlarini ragʻbatlantirish vazifasini bajaradi.

EBA 1975-yilda tashkil etilgan va nodavlat notijorat tashkilot boʻlib, Misrning mahsuldorligi va samarali milliy iqtisodiy hamda ijtimoiy rivojlanishini ragʻbatlantirish uchun xususiy misrlik tadbirkorlarni birlashtiradi.

SSP matbuot xizmati