Misr sanoat federatsiyasi rahbariyati bilan uchrashuv boʻlib oʻtdi

16-fevral kuni Davron Vaxabov Misr sanoat federatsiyasi (FEI) rahbariyati bilan uchrashdi va Misr Savdo-sanoat palatalari federatsiyasiga (FEDCOC) tashrif buyurdi.

Uchrashuvda qoʻshma korxonalar tashkil etish orqali tovar ayirboshlash hajmini yanada oshirish boʻyicha qator masalalar muhokama qilindi.

Misr Savdo-sanoat palatalari federatsiyasi bosh kotibi Alaa Ez bilan boʻlib oʻtgan muzokaralarda Oʻzbekiston-Misr ishbilarmonlar kengashini tashkil etish, shuningdek, Biznes-forumga ikki mamlakatning yetakchi kompaniyalarini jalb etish masalalari muhokama qilindi.

SSP matbuot xizmati