«Lotus Garments Group» kompaniyasi bosh ijrochi direktori bilan uchrashuv boʻlib oʻtdi

 O‘zbekiston hukumat delegatsiyasining Misr Arab Respublikasiga tashrifi doirasida SSP raisi D.Vaxabov «Lotus Garments Group» kompaniyasi bosh ijrochi direktori Xossam Gabr bilan uchrashdi.

Uchrashuv davomida soʼngi yillarda mamlakatimizda toʼqimachilik sohasida olib borilgan islohotlar yuzasidan ma’lumotlar berilib, bo‘lib o‘tgan O‘zbekiston to‘qimachilik tarmog‘ining taqdimotida Misr bilan ushbu sohadagi uzoq muddatli va o‘zaro manfaatli hamkorlikka hozirlik qayd etildi.

Shuningdek, oʼzbek toʼqimachilik korxonalarini «Lotus Garments Group» kompaniyasining ishlab chiqarish zanjiriga qoʼshgan xolda dunyoning yetakchi brendlari uchun djinsi mahsulotlarini ishlab chiqarish boʼyicha kelishuvlarga erishildi.

«Lotus Garments Group» kompaniyasi 1994 yilda tashkil etilgan boʼlib, Misrdagi eng yirik tayyor toʼqimachilik mahsulotlari (djinsi matosidan) ishlab chiqaruvchisi hisoblanadi. Kompaniya asosan AQSh va Yevropadagi taniqli brendlar (Polo, Levi's, Calvin Klein va boshqalar) uchun oyiga taxminan 1,8 million dona miqdorida tayyor mahsulotlarni yetkazib beradi.

SSP matbuot xizmati