Palata tomonidan “Kichik biznesni rivojlantirish” mavzusida oʼquv-seminar tashkil etildi

Oʼzbekiston Respublikasi Prezidenti Аdministratsiyasining 02-PA 1-21407-sonli topshirigʼiga koʼra, Savdo-sanoat palatasi raisining birinchi oʼrinbosari I.Jasimov hamda Boshqarma boshliqlari D.Xamraev va I.Nuritdinovlar tomonidan joriy yilning 17-24 fevral kuni Oʼzbekiston Respublikasi Prezidenti huzuridagi Davlat boshqaruvi akademiyasida Yangi Oʼzbekiston maʼmuriy islohotlar jarayonlarini yuzasidan “Kichik biznesni rivojlantirish” mavzusida oʼquv-seminar tashkil etildi.

Mazkur oʼquv-seminarda Qoraqalpogʼiston Respublikasi Vazirlar Kengashi Raisining, viloyatlar va Toshkent shahar, shuningdek tuman (shahar)lar hokimlarining birinchi oʼrinbosarlari hamda investitsiya va tashqi savdo masalalari boʼyicha oʼrinbosarlari tinglovchi sifatida ishtirok etishdi.

Semenar doirasida, kichik biznesni rivojlantirish borasida amalga oshirilayotgan islohotlarning mazmun-mohiyati, respublika hududlarida kichik biznesni oʼsish tendetsiyalari hamda tahliliy koʼrsatkichlar toʼgʼrisida maʼlumot berib oʼtildi.

Shuningdek, tinglovchilarga Oʼzbekiston Respublikasi Prezidenting 2023-yil 23-yanvardagi “Savdo-sanoat palatasi faoliyatini yanada takomillashtirish boʼyicha qoʼshimcha chora-tadbirlar toʼgʼrisida”gi PQ-15-sonli qarorning mohiyati, kiritilgan oʼzgartirishlar va kelgusida tadbirkorlikni rivojlantirish borasidagi amalga oshirilishi belgilangan vazifalar toʼgʼrisida maʼlumot berildi.

SSP matbuot xizmati