O‘zbekiston – Xitoy savdo-iqtisodiy munosabatlari muhokama qilindi

Joriy yilning 18-aprel kuni Oʻzbekiston Savdo-sanoat palatasi raisi oʻrinbosari M.Adilov va Xitoyning “Hubei Fuxing Technology Co., Ltd.” kompaniyasi vakillari oʻrtasida uchrashuv boʻlib oʻtdi.

Xorijiy kompaniya vakillari Oʻzbekistonning investitsiyaviy salohiyati, xususan, taʼlim, xizmat koʻrsatish va turar joy majmualari qurilishi sohalariga qiziqish bildirdi. Oʻz navbatida, M.Adilov respublikamizdagi sanoat zonalari faoliyati, shuningdek, mamlakatda xorijiy korxonalarga berilayotgan imtiyozlar haqida batafsil maʼlumot berdi.

Xitoy kompaniyasi vakillari O‘zbekiston bank tizimiga, shuningdek, O‘zbekistonda xorijiy banklarni ochish imkoniyatlariga qiziqish bildirdi.

Uchrashuv yakunlari boʻyicha tomonlar investitsiya loyihalari, shuningdek, Xitoy biznesining Oʻzbekistonda tatbiq etilishini koʻrib chiqish maqsadida ikkinchi uchrashuv oʻtkazish masalalarini muhokama qildi.

SSP matbuot xizmati