"Sirdaryo - Xitoy" biznes forumi

Guliston shahridagi "Tadbirkorlar va hunarmandlar" markazida "Sirdaryo - Xitoy" biznes forumining ochilish marosimi bo‘lib o‘tdi

Ushbu tadbirning ochilish marosimida O‘zbekiston Respublikasi Bosh vaziri o‘rinbosari Jamshid Xodjayev, O‘zbekiston Respublikasi Tashqi ishlar vaziri Baxtiyor Saidov, Sirdaryo viloyati hokimi Akmaljon Maxmudaliyev, qator vazirliklar mas’ullari va ikki tomon ishbilarmon doiralari vakillari so‘zga chiqdi.

Tadbirda ushbu forum Prezidentimizning Xitoy tajribasiga tayangan holda Sirdaryoni “Ilg‘or innovatsiyalar hududi”ga aylantirish bo‘yicha ilgari surgan tashabbusning amalda boshlanishi ekanligi qayd etildi.

Shuningdek, forum ikki mamlakat biznes vakillari o‘rtasida to‘g‘ridan-to‘g‘ri aloqalarni rivojlantirish va o‘sish nuqtalarini aniqlash uchun samarali platforma bo‘lib xizmat qilishi ta’kidlandi.

Forum bilan bir vaqtda qo‘shma korxonalar va mahalliy tadbirkorlar tomonidan ishlab chiqarilayotgan sanoat, qishloq xo‘jaligi hamda hunarmandchilik mahsulotlari ko‘rgazmasi ham bo‘lib o‘tmoqda.

Kun davomida yangi investitsion loyihalar taqdimoti, plenar sessiyalar, xorijiy sarmoyadorlar bilan “G2B” va “B2B” formatida muloqotlar o‘tkazilishi kutilmoqda.

SSP matbuot xizmati