Hududlarda biznes vakillari bilan uchrashuvlar oʼtkazish amaliyoti boshlandi

"Tadbirkorlik rivoji uchun yangi taklif va tashabbuslar” shiori ostida hududlarda biznes vakillari bilan uchrashuvlar oʼtkazish amaliyoti boshlandi. Daslabki manzil – Аndijon viloyati.

Joriy yil 4 iyul kuni Oʼzbekiston Savdo-sanoat palatasi tomonidan tadbirkorlik sohasida kuzatilayotgan tizimli muammolarni aniqlash, ularni muhokama qilish va biznesga yanada qulaylik va yengilliklar yaratishga qaratilgan takliflar ishlab chiqish maqsadida Аndijon shahrida "Tadbirkorlik rivoji uchun yangi taklif va tashabbuslar” shiori ostida viloyatdagi biznes vakillari bilan uchrashuv oʼtkazildi.

Uchrashuvda viloyatning 200 nafarga yaqin tadbirkorlari, sohadagi qonunchilik hujjatlari va tartiblar boʼyicha puxta bilim va koʼnikmalarga ega boʼlgan ekspertlar, xususan soliq maslahatchilari, auditorlar, huquqshunoslar, tijorat banklari vakillari, shuningdek Oʼzbekiston Respublikasi Prezidenti huzuridagi tadbirkorlikni qoʼllab-quvvatlash boʼyicha jamoatchilik kengashi aʼzolari hamda ommaviy axborot vositalari vakillari ishtirok etishdi.

Tadbir onlayn formatda respublikaning boshqa hududlari bilan ham bogʼlangan holda tashkil qilindi va uni Savdo-sanoat palatasi raisi Davron Vaxabov ochib berdi.

Uchrashuvni markaziy studiyadan Savdo-sanoat palatasi raisining birinchi oʼrinbosari Toʼra Bobolov olib bordi va Аndijon viloyatidagi tadbirkorlarning sohadagi tizimli muammolar boʼyicha fikrlarini birma-bir eshitib, tadbirga jalb etilgan soha mutaxassislarning fikr mulohazalari muhokalar qilindi.

Biznes vakillari tomonidan bildirilgan tizimli muammolar hamda taklif va tashabbuslar roʼyxati shakllantirilib, puxta oʼrganib chiqiladi.

Ushbu formatdagi tadbirlarimiz Respublikaning barcha hududlarida davom ettiriladi va keyingi manzil Namangan viloyati.

SSP Matbuot xizmati