“Yangi O‘zbekistonning investitsion salohiyati” mavzusida yig’ilish bo’lib o’tdi

Joriy yilning 6 iyul kuni Toshkent shahrida O‘zbekiston Milliy bankining “Investor kuni” tadbiri doirasida “Yangi O‘zbekistonning investitsion salohiyati” mavzusida yig’ilish bo’lib o’tdi.

Ushbu tadbirda Savdo-sanoat palatasi Raisi Davron Vaxabov, shuningdek,  Xitoy Davlat taraqqiyot banki, "JP Morgan", "Deutsche Bank", "LBBW", "Commerzbank", "KfW-IPEX Bank", "NATIXIS", "Credit Agricole", "Barclays", "Standard Chartered Bank", "Embraer" kabi yirik xorijiy banklar ishtirok etdi.

Tadbirda D.Vaxabov nutq so’zlab, mamlakatimizda tadbirkorlik sohasida amalga oshirilgan keng qamrovli islohotlar va ularning natijalari bilan xorijiy ishtirokchilarni tanishtirdi. Shuningdek, iqtisodiyotning asosiy sohalarida yaratilayotgan imkoniyatlarga to’xtalib, yangi investitsion loyihalar to’g’risida ma’lumot berdi.

SSP matbuot xizmati