Jizzax viloyatining Sharof Rashidov tumanida "Tadbirkorlar xiyoboni" tashkil etildi

Prezidentining 2023 yil 23 yanvardagi "Savdo-sanoat palatasi faoliyatini yanada takomillashtirish boʻyicha qoʻshimcha chora-tadbirlar toʻgʻrisida"gi PQ-15 sonli Qarorining ijrosini ta’minlash maqsadida Jizzax viloyatining Sharof Rashidov tumanida "Tadbirkorlar xiyoboni" tashkil etildi.

Ochilish marosimida Savdo-sanoat palatasi Jizzax viloyati hududiy boshqarmasi boshlig’i Rustam Hasanov, Sharof Rashidov tuman hokimining moliya iqtisodiyot va kambagʻallikni qisqartirish masalalari boʻyicha birinchi oʻrinbosari Maʼruf Ergashev, mahalla faollari va tadbirkorlar ishtirok etishdi.

Ushbu xiyobonda tadbirkorlar uchun barcha qulayliklar yaratilgan bo‘lib tijorat banklari ofislari, investorlarning biznes loyihalarini muhokama qilish hamda “B2B” uchrashuvlari uchun maxsus xonalar, “kovorking” faoliyati, shuningdek,  Wi-Fi zonalar tashkil etilgan.

SSP Matbuot xizmati