Samarqandda “ShHTga aʼzo davlatlar hududlari oʻrtasidagi biznes sheriklik haftaligi” boʻlib oʻtmoqda

Ushbu tadbir mintaqalararo va tarmoqlararo ishbilarmonlik aloqalarini rivojlantirishga, shuningdek, ShHTga aʼzo davlatlar oʻrtasida iqtisodiy oʻsish nuqtalarini shakllantirishga xizmat qiladi.

Joriy yilning 8 avgust kuni ushbu tadbir doirasida Oʻzbekiston Savdo-sanoat palatasi raisi oʻrinbosari Jamshed Urakov ShHT doirasidagi savdoni moliyalashtirish masalalari mavzusida nutq so'zladi.

J.Urakov o‘z nutqida korxonalarning mavjud moliyalashtirish imkoniyatlaridan xabardor bo‘lishi, shuningdek, ShHT mamlakatlari o‘rtasidagi savdoni moliyalashtirishni yaxshilash maqsadida korxonalar uchun umumiy platforma yaratish muhimligi to'g'risida ta’kidladi.

Shuningdek, J.Urakov hukumatlar SHHT mamlakatlari oʻrtasida savdoni kengaytirish uchun tariflar va boshqa savdo toʻsiqlarini pasaytirish ustida ishlashi, anʼanaviy manbalardan moliyalasha olmaydigan bizneslarga moliyaviy yordam koʻrsatishi kerakligini taʼkidladi.

“ShHTga aʼzo davlatlar hududlari oʻrtasidagi biznes sheriklik haftaligi” 11 avgustga qadar davom etadi va ushbu haftalik doirasida biznes-forumlar, tematik sessiyalar hamda “B2B” va “G2B” formatida  muzokaralar oʻtkazlishi koʻzda tutilgan.

SSP Matbuot xizmati