Qozog‘iston tadbirkor ayollar delegatsiyasi O‘zbekistonda

Turkiy davlatlar ittifoqi tashkilotiga a’zo mamlakatlar tadbirkor ayollar qo‘mitasi Qozog‘iston delegatsiyasi Toshkentga tashrif buyurdi. Ushbu tashrif doirasida O‘zbekiston Savdo-sanoat palatasi “ProFit” ishbilarmon ayollar klubi bilan hamkorlikda ikki davlat tadbirkor ayollari o‘rtasida uchrashuvlar tashkil etdi.

Mazkur tashrifdan ko‘zlangan maqsad mikro va kichik biznes sohasida yangi hamkorlik aloqalarini o‘rnatish, xususan, O‘zbekistondagi ishbilarmon ayollarning mikrobiznesi hamda an’analarimiz bilan yaqindan tanishish, shuningdek, potensial hamkorlarni izlashdan iborat. 

Tashrif davomida mehmonlarni O‘zbekistondagi ishbilarmonlik muhiti bilan yaqindan tanishtirish uchun tadbirkorlik obyektlariga tashriflar tashkil etildi, shuningdek, ikki davlat ishbilarmonlari vakillari o‘rtasida o‘zaro manfaatli hamkorlikni yo‘lga qo‘yish maqsadida B2B formatidagi uchrashuvlar o‘tkazildi.

SSP Matbuot xizmati