Gamburg shahrida O‘zbekiston-Germaniya Iqtisodiy palatasi tashkil etildi

O‘zbekiston Savdo-sanoat palatasi raisi Davron Vaxabovning Germaniya Federativ Respublikasiga tashrifi doirasida Gamburg Savdo-sanoat palatasi bilan hamkorlikni yo‘lga qo‘yishning asosiy yo‘nalishi bu Gamburg shahrida qo‘shma O‘zbekiston-Germaniya Iqtisodiy palatasini tashkil etish to‘g‘risidagi qarorni imzolash bo'ldi.

Iqtisodiy palatani tashkil etishdan maqsad ikki davlat tadbirkorlarining tegishli muassasa va idoralarga to‘siqsiz kirishini ta’minlash, muloqot yo‘lidagi to‘siqlarni bartaraf etish hamda O‘zbekiston va Gamburg kompaniyalari o‘rtasida to‘g‘ridan-to‘g‘ri almashinuv platformasini yaratishda qo‘llab-quvvatlashdan iborat.

Qayd etish joizki, mazkur palataning tashkil etilishi Mirko Novak direktori bo‘lgan LUNO kompaniyalar guruhi tomonidan moliyalashtirildi.

Ta’sischi a’zosi Davron Vaхabov O‘zbekiston-Germaniya iqtisodiy palatasi raisi etib tayinlandi.

Bu o‘z navbatida O‘zbekiston va Germaniya o‘rtasida ishbilarmon doiralarning o‘zaro manfaatli hamkorligini yo‘lga qo‘yishga nemis hamkorlari tomonidan bildirilgan yuksak ishonchni yana bir bor bildiradi.

SSP matbuot xizmati