Oliy Majlis huzuridagi jamoat fondi tanlov E’LON QILADI

Parlament komissiyasining

2023-yil 1-noyabrdagi 59-sonli

qaroriga 1-ilova

Oliy Majlis huzuridagi jamoat fondi

“Jamoatchilik nazoratini amalga oshirishning samarali va zamonaviy mexanizmlarini joriy etish, shuningdek jamiyat boshqaruvida mazkur institutlar ishtirokini kengaytirish” mavzusida davlat granti 6-qo‘shimcha tanlovini

E’LON QILADI

Tanlovga nodavlat notijorat tashkilotlari, ommaviy axborot vositalari va fuqarolik jamiyati boshqa institutlarining quyidagi maqsadlarni nazarda tutuvchi ijtimoiy ahamiyatga molik loyihalari qabul qilinadi:

1. Jamoatchilik nazorati sohasida fuqarolik jamiyati institutlari bilan samarali hamkorlik qilishning, shuningdek ularning faoliyatini qo‘llab-quvvatlashning zamoanaviy mexanizmalrini joriy etish.

Davlat granti ajratish uchun quyidagi hujjatlar taqdim etiladi:

1. Tashkilot rahbari tomonidan imzolangan va muhr bilan tasdiqlangan kuzatuv xati;
2. Oliy Majlis huzuridagi jamoat fondining www.fondngo.uz rasmiy veb sayti va t.me/group_jamoat_fondi telegram kanalida joylashtirilgan va yangi yuklangan shaklda to‘ldirilgan davlat granti loyihasi uchun ariza;
3. Oxirgi o‘zgartirish va qo‘shimchalar bilan davlat ro‘yxatidan o‘tgan NNTlar va fuqarolik jamiyati boshqa institutlarining Ustavi (Nizomi) nusxasi;
4. Tashkilotning davlat ro‘yxatidan o‘tganligi to‘g‘risidagi guvohnoma nusxasi;
5. Agar loyihani amalga oshirish litsenziyalanadigan faoliyatni talab qilsa, unda litsenziyaning nusxasi;
6. Tashkilotning soliq qarzi mavjud emasligi to‘g‘risida ma’lumotnoma;
7. Manfaatdor davlat va jamoat tashkilotlarining tavsiya hamda qo‘llab-quvvatlash xatlari.

Bitta loyiha uchun ajratiladigan grant miqdori – 200 million so‘mgacha.

Hujjatlar 2023-yil 3-noyabrdan 7-dekabrgacha qabul qilinadi.

Hujjatlar O‘zbekiston Respublikasi Oliy Majlisi huzuridagi NNTlarni va fuqarolik jamiyatining boshqa institutlarini qo‘llab-quvvatlash jamoat fondi nomiga “O‘zbekiston pochtasi” orqali yuboriladigan muhrlangan konvertlarda (A4 formatda) quyidagi manzil bo‘yicha qabul qilinadi: 100035, Toshkent shahri, Bunyodkor ko‘chasi, 1-uy.

Hujjatlarni taqdim etish shartlari va namunalari bilan Oliy Majlis huzuridagi jamoat fondining www.fondngo.uz rasmiy veb saytida tanishish mumkin.

Ma’lumot uchun telefonlar: (78) 238-23-76, 238-23-77.