Germaniyaning xalqaro hamkorlik jamiyati (GIZ) vakillari bilan uchrashuv

2023-yilning 7-dekabr kuni O‘zbekiston Savdo-sanoat palatasida Germaniyaning xalqaro hamkorlik jamiyati (GIZ) vakillari bilan "Oʻzbekistonda yashil sanoatlashtirish boʻyicha xususiy sektorni rivojlantirish va iqtisodiy siyosat boʻyicha maslahatlashuvlar" loyihasi doirasida hamkorlik o'rnatish maqsadida uchrashuv bo‘lib o‘tdi.

Uchrashuvda O'zbekiston Savdo-sanoat palatasi rais maslahatchisi Saidkomil Saidnazirxonov,  GIZ loyiha menejeri Bernard Koes, ekspert Atanas Kochev, komponentlar menejeri Igor Eremenko va xususiy sektorni rivojlantirish bo‘yicha maslahatchi Elbek Shomuratov, qo‘mitalar faoliyatini muvofiqlashtirish bo‘limi boshlig‘i Baxtiyor Xolboyev, qo‘mitalar faoliyatini muvofiqlashtirish bo‘limi mutaxassisi Azimov Zaxritdin, “Qayta tiklanuvchi energiya manbalari va energiya tejovchi texnologiyalar” qo‘mitasi a’zosi Zafar Soipov va Rustam Hamidov ishtirok etishdi.

GIZ vakillarining taʼkidlashicha, loyihaning maqsadi Oʻzbekistonning davlat va xususiy sektorlarini yashil sanoatlashtirish va energiya tejovchi ishlab chiqarishni joriy etishda qoʻllab-quvvatlash hamda quyidagilardan iborat:

– O‘quv mashg‘ulotlarini tashkil etish orqali “Yashil sanoat siyosati” yo‘nalishida tarmoq vazirlik va idoralarining 80 nafar xodimlari, jumladan, 30 nafar xotin-qizlar salohiyatini oshirish;
– Hamkor vazirliklarga yashil sanoat siyosatini amalga oshirish uchun to‘rtta strategik hujjat tayyorlashga yordam berish;
– Yashil sanoat siyosatini monitoring qilish tizimini yaratish;
– Barqaror ishlab chiqarishga o‘tish bo‘yicha takliflar ishlab chiqish bo‘yicha 50 ta kompaniya bilan maslahatlashish;
– 3 tasi ayollar tomonidan boshqariladigan 25 ta kompaniyaga ishlab chiqarishning CO2 intensivligini kamida 10% ga kamaytirishga yordam berish;
– Ikki sanoat zonasi rahbariyati bilan hamkorlikda yanada barqaror ishlab chiqarishga o‘tish konsepsiyalarini ishlab chiqish;
– 20 ta kompaniya, ayniqsa, to‘qimachilik va qurilish materiallari sanoatida raqobatbardoshligini oshirish uchun to‘rtta tajribaviy iqtisodiy rivojlanish vositalarini taqdim etish.

Muzokaralar davomida tomonlar loyiha boʻyicha qoʻshma hamkorlik qilish, metodologiyani yanada batafsil ishlab chiqish masalalarini muhokama qilindi.

Uchrashuv yakunida O'zbekiston Savdo-sanoat palatasi va GIZ oʻrtasida loyiha boʻyicha hamkorlik toʻgʻrisidagi memorandum imzolash taklifi bildirdi.

SSP matbuot xizmati