Davron Kurbanov O'zbekiston Savdo-sanoat palatasi rais o‘rinbosari lavozimiga tayinlandi

Kurbanov Davron Kadambayevich — O‘zbekiston Savdo-sanoat palatasi raisining biznes muhitini tahlil qilish va ishbilarmonlik indekslarini baholash, tadbirkorlarga bozor infratuzilmasi masalalarida ko‘maklashish yo‘nalishi bo‘yicha o‘rinbosari lavozimiga tayinlandi.

D. Kurbanov 1975-yilda Xorazm viloyatida tug‘ilgan, 1995-yilda Samarqand kooperativ institutini, 2006-yilda O‘zbekiston Respublikasi Bank-moliya akademiyasini tamomlagan.

Mehnat faoliyati davomida Soliq qo'mitasi, O‘zbekiston Respublikasi Moliya vazirligi, Bosh prokuratura hamda O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil devonida turli lavozimlarida ishlagan.

2022-2023-yillarda Vazirlar Mahkamasi huzuridagi Soliq qo‘mitasining Strategik rejalashtirish departamenti direktori,  tayinlovga qadar esa Yirik soliq to'lovchilar bo'yicha hududlararo soliq inspeksiyasi boshlig'ining birinchi o'rinbosari lavozimida faoliyat yuritgan.

SSP matbuot xizmati