Венгрия компанияси билан учрашув бўлиб ўтди

2022 йил 13 апрель куни Ўзбекистоннинг Австриядаги элчихонаси масъул ходими М.Рихсибоев, Ўзбекистон Савдо-саноат палатаси масъул ходими Ғ.Усмонов ҳамда Венгриянинг “Urban Confectionery Ltd.” компанияси раҳбари П.Нойман ва  “Global Faktor Zrt.” корхонаси раҳбари И.Чабаилар иштирокида  онлайн видеомулоқот кўринишида учрашув бўлиб ўтди.

Учрашувда Венгрия томонидан П.Нойман давлатларимиз ўртасида савдо-иқтисодий йўналишда республикамиздан Венгрияга озиқ-овқат, қишлоқ хўжалиги маҳсулотлари, саноат маҳсулотлари импортини йўлга қўйиш борасида Ўзбекистон ишбилармонлари билан ишлар бошлаб юборилганлигини таъкидлади.Шунингдек, ҳамкорликнинг янги йўналишлари бўйича ўз таклифларини билдирди.

Жумладан, Венгрия бизнес делегациясининг республикамизга ташрифи ва Ўзбекистон ишбилармон доира вакилларининг Венгрияга ташрифи, ушбу ташриф доирасида бизнес мулоқотлар, кичик кўргазма ташкил этиш масаласи муҳокама этилди.

Ўз навбатида ушбу ҳамкорликни кенгайтириш ва давомийлгини таъминлаш мақсадида Савдо-саноат палатаси томонидан “Urban Confectionery Ltd.” кўмагида Венгриянинг фармацевтика, қурилиш маҳсулотлари, электротехника, чарм-пойабзал тармоқларида кўзга кўринган компаниялари билан ҳамкорлик алоқларини ўрнатиш, улар билан юртимизда фармацевтика маҳсулотлари ишлаб чиқариш бўйича инвестицион лойиҳаларни биргаликда амалга ошириш таклиф этилди.

Тадбир давомида текстиль маҳсулотларини Венгрияга ва Европа Иттифоқи давлатларига экспортини кенгайтириш мақсадида Венгриянинг “Global Faktor” компанияси ва “Ўзтўқимачиликсаноат” уюшмаси билан онлайн видеомулоқот ташкил этиш таклиф этилди.

Учрашув якунида Венгрия ишбилармон доира вакилларининг юртимизга ва Ўзбекистон бизнес делегациясининг ушбу хорижий давлатга ташрифини ташкилий масалалари ҳамда Венгрия томонидан фармацевтика, қурилиш маҳсулотлари, электротехника, чарм-пойабзал тармоқлари йўналишларида ҳамкорлик қилишга қизиқиш билдирган компаниялар ва республикамиз тадбиркорлари ўртасида алоқа ўрнатиш масалалари келишиб олинди.