Samarkandda «MENEJMENT ASOSLARI» mavzusida seminar o'tkazildi

Kuni kecha Savdo-sanoat palatasining Samarqand viloyati boshqarmasi qoshida tashkil etilgan «Samarqand kadrlarni tayyorlash markazi» nodavlat ta'lim muassasasi, hamda mamlakatimizning yetakchi konsalting kompaniyasi «Author Coaching Group» tomonidan «MENEJMENT ASOSLARI» nomli ilk seminar o'tkazildi.

Ushbu o'quv seminarda bugungi kunda Samarqand viloyatida muvoffaqiyatli faoliyat ko'rsatib kelayotgan korxona va kompaniya rahbarlari, top menejerlari hamda o'z biznesini boshlash istagida bo'lgan tashabuskorlar ishtirok etishdi.

O'quv seminar davomida malakali trener Bahodir Fozilxo'jaev ishtirokchilarga tadbirning asosiy maqsadi bo'lgan - biznesni muvoffaqiyatli boshqarish degan murakkab ishni soddalashtirish borasidagi chuqur va tajribaga asoslangan bilimini ushbu o'quv seminar ishtirokchilari bilan bo'lishdi.

«Menga seminar juda xam yoqdi. Men yaqinda menejer lavozimiga tayinlandim. Boshqaruvchi sifatida o'z faoliyatnimni qanday qilib to'g'ri olib borishni o'ylanib turgan edim. Mazkur o'quv kursida meni o'ylantirib kelgan barcha savollarga javob oldim. O'ylaymanki, bugun olgan bilimlarimni kelajakda samarali amaliyotda ishlata olaman» - deydi ishtirokchi T.Bulgakova («Samarkand Apparel» XK MCHJ)

O'quv seminari inter-faol uslubda tashkil etilgan bo'lib, turli amaliy mashqlar yordamida trener tomonidan ishtirokchilarga menejmentning asosiy bo'g'inlari, boshkarish uslublari yoritib berildi.

O'zSSP Axborot xizmati