Germaniyada o'tkaziladigan Xalqaro yosh ta'sischilar konferensiyasiga taklif etamiz

Joriy yilning 16-20 oktyabrda Germaniyaning Berlin shahrida “Yosh ta'sischilar” dasturi doirasida Xalqaro yosh ta'sischilar konferensiyasi bo'lib o'tadi.

Mazkur dasturdan ko'zlangan maqsad – yosh tadbirkorlarning innovatsion g'oya va loyihalarni amalga oshirishlarini qo'llab-quvvatlashdan iborat bo'lib, konferensiya doirasida ishtirokchilar Germaniya va boshqa mamlkatlarning muvaffaqiyatli tadbirkorlari tajribasini o'rganish, shuningdek salohiyatli sarmoyadorlar bilan o'zaro aloqalarni yo'lga qo'yish imkoniyatiga ega bo'ladilar.

Mazkur konferensiya tashkilotchilari tomonidan unda O'zbekistonlik vakillarning ham ishtirok etishi rejalashtirilganligi ma'lum qilingan va quyidagi talablarga javob beradigan ta'sisichilarni konferensiyaga taklif qilgan.

nomzod ingliz tilini yaxshi darajada bilishi;
o'z korxonasi faoliyatini so'nggi besh yilda yo'lga qo'ygan bo'lishi;
korxonada startap loyihalar amalga oshirilishi;
ta'sischining yoshi 20 yoshdan katta va 35 yoshdan kichik bo'lishi.
Ushbu konferensiyada ishtirok etish istagida bo'lganlar 25 iyun kuniga qadar quyidagi manzilda onlayn ro'yxatdan o'tishni amalga oshirishlari kerak: https://goo.gl/skfhnv.

Eslatma: Konferensiyada ishtirok etish xarajatlari “Vestervelle” Fondi tomonidan qoplanadi.

O'zSSP Matbuot xizmati