Namangan shahrida tadbirkorlik sub'ektlariga oid 60 ta masala ijobiy hal etildi

Albatta, bunday  yutuq  va muvaffaqiyatlar ko'lamini kengayishi  davlatimiz tomonidan ishbilarmonlarga yaratilayotgan shart-sharoit, imkoniyatlardan to'g'ri  va samarali  foydalanishga  bog'liq. Masalaning yana bir jihati, ularning faoliyatiga to'siq bo'layotgan, qiyinchilik tug'dirayotgan  muammolarni  o'z o'rnida  hal etilishi, maslahat   va  ko'mak berilishi ijobiy natijalarga asos bo'ladi. Aynan shuni his etgan holda viloyat  hokimligi, viloyat prokuraturasi tomonidan tadbirkorlar ishtirokida ochiq muloqotlar tashkil etilmoqda.

Namangan shahridagi “Yoshlar markazi”da tashkil etilgan navbatdagi uchrashuvda bank, moliya, soliq boshqarmasi va yana bir qator hamkor  tashkilotlar rahbar va mutaxassislari,  shuningdek,  shahar va tumanlardan kelgan 150 nafardan ortiq  tadbirkorlar ishtirok  etdilar.

Ochiq muloqot davomida tadbirkorlar o'zlarini qiziqtirgan savollarga javob  oldilar. Viloyat hokimi Xayrullo Bozarov ularning  har biri bilan alohida-alohida  suhbatlashar ekan,  ayrim tadbirkorlarning  e'tiroziga sabab bo'lgan masalalar  yuzasidan mutasaddilarga tegishli topshiriq berdi va ulardan mas'uliyat talab etdi. Shu o'rinda ta'kidlash joizki, keyingi yillarda tadbirkorlarga erkinlik berish, qulay ishbilarmonlik muhitini  yaratish maqsadida 10 dan ortiq normativ hujjatlar qabul qilindi. Bu esa ular uchun katta imkoniyatlar eshigini ochmoqda.

O'z SSP Matbuot xizmati