Davlat soliq qo‘mitasida noqonuniy tekshirishlar, ularning sabablarini o‘rganib borish, qonunbuzilish holatlariga yo'l qo‘ygan mansabdor shaxslar va ularning rahbarlariga choralar ko‘rish bo‘yicha yig'ilish bo'lib o'tadi

Nazorat qiluvchi organlar faoliyatini muvofiqlashtiruvchi Respublika Kengashining 2015 yil 2 iyundagi 1-son majlis bayoni 3-bandiga muvofiq noqonuniy tekshirishlar, ularning sabablarini o‘rganib borish, qonunbuzilish holatlariga yo'l qo‘ygan mansabdor shaxslar va ularning rahbarlariga choralar ko‘rish bo‘yicha takliflarni ishlab chiqish borasida Kengash huzurida tuzilgan Ishchi guruhining navbatdagi yig‘ilishi 2015 yil 4 dekabr kuni soat 10 da Davlat soliq qo‘mitasi binosida o‘tkazilishi ma’lum qilinadi.

Yig‘ilshda O‘zbekiston Respublikasi Bosh prokuraturasining Huquqni muhofaza qiluvchi va nazorat organlarida qonunchilik ijrosi ustidan nazorat boshqarmasi katta prokurori A.Axatov, Adliya vazirligining Tadbirkorlar huquqlarini himoya qilish boshqarmasi bosh maslahatchisi M.Nasullaev, Savdo-sanoat palatasining Yuridik ekspertiza va tadbirkorlarni huquqiy qo‘llab-quvvatlash bo‘limi boshlig‘i Sh.Kiyamovlar ishtirok etadilar