20 avgust kuni “Tashabbus-2018” ko'rik-tanlovi bo'yicha matbuot anjumani tashkil etildi

Bugungi kunda yangi o'rinlar, raqobat muhiti yaratilishining eng muhim manbai sanalgan mulkdorlar sinfini shakllantirish uchun real bazani tashkil etishga qaratilgan kichik biznes va xususiy tadbirkorlikni rivojlantirish O'zbekiston Respublikasida amalga oshirilayotgan iqtisodiy islohotlarning ustuvor yo'nalishlaridan biridir.

Joriy yilning 16 avgust kuni O'zbekiston Respublikasi Vazirlar Mahkamasining “O'zbekiston Respublikasi Prezidenti sovrini uchun tadbirkorlar, fermerlar va hunarmandlar o'rtasida o'tkaziladigan “Tashabbus-2018” ko'rik-tanlovini tashkil etish to'g'risida” gi 676-F sonli farmoyishi tasdiqlandi.

Unga ko'ra, O'zbekiston Respublikasi Prezidenti O'zbekiston Respublikasi Prezidenti sovrini uchun tadbirkorlar, fermerlar va hunarmandlar o'rtasida o'tkaziladigan “Tashabbus-2018” ko'rik-tanlovini yuqori saviyada tashkil etish maqsadida “Tashabbus-2018” ko'rik-tanlovi  bosqichlarining o'tkazilish muddatlari belgilandi.

Xususan, tuman (shahar) bosqichlari – 27 avgustdan 28 sentyabrga qadar;

Qoraqalpog'iston Respublikasi, viloyatlar va Toshkent shahar bosqichlari esa joriy yilning 5 oktyabridan 25 oktyabriga qadar shtkazilishi belgilangan;

Ko'rik-tanlovning respublika bosqichi k ochilish marosimi va ko'rgazmalari shu yilning 14-15 noyabr kunlari Toshkent shahridagi “Ekspomarkaz” ko'rgazmalar saroyida bo'lib o'tsa, 16 noyabr kuni ko'rik-tanlov g'oliblarini tantanali taqdirlash marosimi Toshkent shahridagi “Navro'z” restoranida o'tkaziladi.

Ko'rik-tanlovning quyidagi asosiy nominatsiyalar bo'yicha o'tkaziladi va uning respublika bosqichi mutlaq g'oliblari O'zbekiston Respublikasi Prezidenti sovg'asi sifatida “Chevrolet-Spark” avtomashinalari bilan taqdirlanadi:

Sanoat sohasida – “Yilning eng yaxshi tadbirkori”;
  1. Xizmat ko'rsatish sohasida – “Yilning eng yaxshi tadbirkori”;
  2.“Yilning eng yaxshi yosh tadbirkori”;
  3.“Yilning eng yaxshi fermeri”;
  4.“Yilning eng yaxshi hunarmandi”.

Bundan tashqari ko'rik-tanlov respublika tashkiliy qo'mitasining qaroriga asosan tanlov ishtirokchilari quyidagi qo'shimcha nominatsiyalarda ham taqdirlanishi belgilangan:

“Eng yaxshi tadbirkor ayol” nominatsiyasi. Bu nominatsiyada yil yakunlariga ko'ra yuqori ko'rsatkichlarga erishgan, ayollar o'rtasida tadbirkorlikni rivojlantirishga ulkan hissa qo'shgan, “Tashabbus” ko'rik tanlovi ishtirokchilari bo'lgan fidoiy hamda ilg'or tadbirkor, fermer yoki hunarmandga beriladi.

“Eng yaxshi innovatsion loyiha” nominatsiyasi. Bu nominatsiya g'olibi hisobot yilida zamonaviy minitexnologiyalar jalb etgan, ishlab chiqarishda ilmiy asoslangan innovatsion texnologiyalardan foydalangan, ishlanmalari patentlangan hamda ichki va tashqi bozorda o'zining mashhur brendiga ega bo'lgan, o'z faoliyati davomida O'zbekiston shon-shuhratini oshirgan, o'zbek mahsuloti brendini keng tanitgan, “Tashabbus” ko'rik tanlovi ishtirokchilari bo'lgan fidoiy hamda ilg'or tadbirkor yoki fermerga beriladi.

“Yoshlarga eng ko'p ish joyi yaratgan tadbirkor” nominatsiyasi. Bu nominatsiya hisobot yilida korxonaga 30 yoshgacha bo'lgan yoshlarni, ayniqsa kasb-hunar kolleji talabalarini doimiy ishga jalb etgan “Tashabbus” ko'rik tanlovi ishtirokchilari bo'lgan fidoiy hamda ilg'or tadbirkor yoki fermerlarga beriladi.  

“Mening yurtim – mening iftixorim” nominatsiyasi. Bu nominatsiya xizmat ko'rsatish, ishlab chiqarish va boshqa sohada ilg'or natijalarga erishgan, “Tashabbus” ko'rik tanlovi ishtirokchilari bo'lgan fidoiy hamda ilg'or tadbirkor, fermer yoki hunarmandga beriladi.

“Eng yaxshi oilaviy biznes sohibi” nominatsiyasi. Bu nominatsiya oilaviy tadbirkor sifatida ro'yxatdan o'tgan, xizmat ko'rsatish, ishlab chiqarish va boshqa sohada ilg'or natijalarga erishgan, “Tashabbus” ko'rik tanlovi ishtirokchilari bo'lgan fidoiy hamda ilg'or tadbirkor, fermer yoki hunarmandga beriladi.

“Eng yaxshi eksportchi” nominatsiyasi. Bu nominatsiya ishlab chiqargan mahsulot yoki xizmati eksportini yo'lga qo'ygan eng ilg'or hamda fidoiy “Tashabbus” ko'rik-tanlovi ishtirokchilari bo'lgan tadbirkor, fermer yoki hunarmandlarga beriladi.

“Eng mas'uliyatli ijtimoiy sherik” nominatsiyasi. Bu nominatsiya hisobot davrida korxonada xodimlarning ijtimoiy-iqtisodiy va mehnat sohasiga oid huquq va manfaatlarni ta'minlashda kasaba uyushmasi qo'mitasi va hududdagi boshqa davlat va nodavlat tashkilotlari bilan yaqin hamkorlikni yo'lga qo'ygan, tanlov ishtirokchilari bo'lgan fidoiy hamda ilg'or tadbirkor yoki fermerga beriladi.

“Yilning eng yaxshi mahsuloti” nominatsiyasi. Bu nominatsiya mahsulotining aholi o'rtasida hamda chet elda taniqlilik darajasi, mahsulotning eksport hajmi, mahsulot brendining originalligi va taniqliyligi, mahsulotni reklama qilinganlik darajasi, mahsulot qadog'ining tashqi ta'sirlarga chidamliligi va uning sifat ko'rsatkichlari yuqori bo'lgan “Tashabbus” ko'rik-tanlovi ishtirokchilari bo'lgan fidoiy hamda ilg'or tadbirkorga beriladi.

O'z SSP Matbuot xizmati