O'zbekiston va AQSH ishbilarmon doiralari o'rtasida o'zaro savdo iqtisodiy aloqalar rivojlanmoqda.

O'zbekiston va AQSH ishbilarmon doiralari o'rtasida o'zaro savdo iqtisodiy aloqalarini rivojlantirish maqsadida 2018 yil 4 sentyabr kuni O'zbekiston Savdo-sanoat palatasi binosida AKShning eksport-import operatsiyalari bilan shug'ullanuvchi “WCC International” savdo kompaniyasi vakillari ishtirokida seminar bo'lib o'tdi.

Ushbu kompaniya dunyoning 40 dan ortiq mamlakatlaridagi savdo tashkilotlari bilan aloqalarni yo'lga qo'ygan bo'lib, 2008 yildan buyon xorijiy ishlab chiqaruvchilarga AQShning yirik savdo tarmoqlariga ega kompaniyalar bilan eksport shartnomalar tuzishga ko'maklashib kelmoqda.

Mazkur seminarda AQSH bozoriga mahsulotlarini eksport qilish istagida bo'lgan mahalliy tadbirkorlik sub'ektlari ishtirok etdi.

Seminarda kompaniya vakillari tomonidan mahalliy mahsulotlarni Amerika bozoriga eksport qilish uchun mahsulotni sertifikatlash, moliyalashtirish manbaalari to'g'risida, Amerika banklarida hisob raqam ochish, soliq va bojxona to'lovlari shuningdek, barcha eksport qilish bilan bog'liq masalalar bo'yicha batafsil ma'lumot berildi.

O'z SSP Matbuot xizmati